 |
भाद्र ९, २०७३- पार्टी भित्रको विवाद टुङ्गयाएको कांग्रेसले मन्त्रीहरुको नामावालीको अन्तिम टुङ्गो लगाउदैछ । रामचन्द्र पौडेलले ५ वटा मन्त्री आफ्नो पक्षले पाउनुपर्ने अडान लिएपछि बुधबार हुने भनिएको मन्त्रिपरिषदको विस्तार हुन सकेको थिएन ।
पार्टी सभापति शेरबहादुर देउवाले पौडेलपक्षलाई ५ मन्त्री दिने सहमति जनाएपछि विवाद टुङ्गएिको हो । आ आफ्नो तर्फबाट मन्त्रीको नाम टुङ्गो लगाउन दुवै पक्ष छलफलमा व्यस्त छन् । स्रोतका अनुसार पौडेल पक्षले भने सीतादेवी यादव, नविन्द्रराज जोशी, दिपक गिरी, हृदयराम थानी र रोमी गौचनको नामलाई करिब करिब टुङ्गो लगाएको छ ।
कांग्रेस नेता प्रकाशमान सिंहले पार्टी सभापति शुक्रबार उपचारका लागि सिंगापुर जान लागेकाले भोलि बिहान मन्त्रीहरुको सपथ हुने बताए ।'सरकारमा को को जाने विषयमा हामी छलफलको क्रममा छौं,' उनले भने ।
देउवा पक्षाबाट अर्जुननरसिंह केसी, प्रकाशशरण महत, बालकृष्ण खाँड, जीवन शाही को नाम टुङ्गो लागेको उनी निकट स्रोतले जनाएको छ । केशब बुढाथोकी, सुर्यमान गुरुङ र फर्मुला मन्सुर मध्ये कसलाई पठाउने विषयमा टुङ्गो लागिसकेको छैन । खुमबहादुर खडका पक्षबाट पनि एकजना समेट्ने विषयमा छलफल चलिरहेकाले थप तीन नामका विषयमा अझै छलफल भइरहेको स्रोतले जनायो । खडका निकट शंकर भण्डारीको नाम पठाउने सम्भावना छ ।
राष्ट्रपति विद्यादेवी भण्डारी भोलि १० बजे तिर सर्लाही जाने कार्यक्रम रहेकाले त्यस अगावै मन्त्रीहरुको सपथ गराउने तयारी छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon