 |
नेपालले दुई विशाल देशको विचमा रहेर लिन नसेकका तर लिन सक्ने फाइदाबारे नाकाबन्दीकै सममया बहस भए । नेपालमा भन्दा बढी आर्तनाद भने भारतमा सुनियो । विपक्षी दलका सांसदले मोदीमाथि नेपाल चीनलाई सुम्पेको भन्दै कटु आलोचना गरे । नेपाली जनतासँग सडकमै हात मिलाएका मोदी नेपालीमाथि यति कठोर बन्न सक्लान भन्ने नसोंचिएपनि मोदीको चरित्रबारे नेपालमा ठूलो बहस जन्मियो । २ वर्ष भित्रै मोदी नेपालमा सर्वाधिक घृणाका पात्र बने भन्दा पनि अतियुक्ती हुँदैन ।
नाकाबन्दी हट्यो । नेपाल सामान्य जीवनमा फर्किँदैछ । नाकाबन्दीकै समयमा गठित भारतसँग नझुकेको भनिएको ओली सरकार ढलेर भारतको ‘एस म्यान’ नबन्ने उद्घोष गरेका पुष्पकमल दाहाल प्रचण्डको नेतृत्वमा नयाँ सरकार बनेको छ । संविधान जारी भएकै कारण मधेश असन्तुष्टीको कारण देखाउँदै नेपाली जनतालाई नाकाबन्दीको हतियार प्रहार गर्ने भारतीय संस्थापनको रणनीति के हो भन्ने अझै प्रष्ट भएको छैन । तर नेपालमाथि नाकाबन्दी लाद्ने भारतीय संस्थापनको ब्यवहार र बोली फेरिएको छ ।
पछिल्ला गतिविधी हेर्दा लाग्छ नेपालमाथि नाकाबन्दी प्रत्युत्पादक सावित भएको अनुभव भारतीय संस्थापनले राम्रैसँग गरेको छ ।
प्रचण्डको विशेष दुत बनेर भारतसँग कुरा गर्न पुगेका उपप्रधान तथा गृहमन्त्री विमलेन्द्र निधीसँगको भेटपछि भारतीय प्रधानमन्त्री नरेन्द्र मोदीले गरेका २ ट्वीटले विग्रिएको सम्बन्ध सुधार्दै नेपालसँग आफ्नो बन्न मोदी कति हतारिएका छन् भन्ने झल्किन्छ । केही दिन अघि मात्र भारतीय विदेश मन्त्रालयले नेपालको नयाँ सरकारसँग निकट रहेर सहकार्य गर्न भारत इच्छुक रहेको बताएको थियो । जुनकुरा भारतीय गृहमन्त्री राजनाथ सिंहले नेपाली समकक्षी विमलेन्द्र निधीसँग पनि दोहोर्याएका छन् ।
निधीसँग भेटेपछि मोदीका २ ट्वीट
विमलेन्द्र निधिसँग भेटेपछि भारतीय प्रधानमन्त्री नरेन्द्र मोदीले दुईवटा ट्वीट गरेका छन् । जसको भाषा यस अघि भन्दा नितान्त फरक छ । यस पटक नेपाल र भारतीय जनताबीचको सम्बन्धबारे बोल्न चाहेका मोदी पछिल्लो एक वर्षमा सामाजिक सञ्जालमा नेपालबारे प्रायः मौन थिए । निधीसँग भेटपछिको पहिलो ट्वीटमा मोदीले भनेका छन्, ‘नेपालका उपप्रधानमन्त्री तथा गृहमन्त्री श्री विमलेन्द निधिसँग अत्यन्तै राम्रो भेटवार्ता’ भएको उल्लेख गरेका छन् ।
त्यसको केही समयमा गरिएको अर्को ट्वीटमा मोदीले आफ्नो पश्चाताप झल्काउँदै भनेका छन्, ‘नेपाल–भारत सम्बन्ध जनस्तरका बलियो सम्बनधबाट निर्देशित छ । भारत मित्रता थप मजबुत पार्न चाहन्छ ।’ यस अघि भारतीय पक्ष नेपालसँग सम्बन्ध विग्रिएको भन्ने कुरालाई आधिकारिकरुपमा स्वीकार गर्न तयार भएको थिएन ।
मोदीको ट्वीटले उनले नेपालसँग भारतको सम्बन्ध विग्रिएको आधिकारिकरुपमा स्वीकार गर्दै अव सुधार गर्न तत्पर रहेको झल्किएको छ । यस अघि भारतीय राजदुतमार्फत मात्रै नेपालसँगका समस्या सुल्झिसकेको बताउँदै आइएको थियो । आफ्नो भारत भ्रमणका क्रममा तत्कालीन नेपालका प्रधानमन्त्री ओलीले पटक पटक नेपालसँगग सम्बन्ध सुध्रिएको बताएपनि मोदी यस विषयमा एक शब्द पनि बोलेका थिएनन् । मोदीको ट्वीटले अव उनी नेपालसँगको सम्बन्ध विग्रिएको स्वीकार मात्र गरेका छैनन् पश्चातापको भाव सहित उनले अव सम्बन्ध सुधारका लागि तत्पर रहेको संकेत पनि दिएका छन् ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon