 |
भाद्र ७, २०७३- बेल्जियम र यूरोपकै राजधानी मानिने ब्रसेल्स शहर भित्र चल्ने विभिन्न ट्रामहरु यतिबेला नेपालका पर्यटकीय आकर्षण एवं विशेषता झल्काउने पोस्टरहरुले सजिएका छन् । झट्ट हेर्दा अचम्म लाग्न सक्ने ती पोस्टरहरु अरु केहि नभएर नेपाली दूतावास बेल्जियमले भूकम्पपछिको शिथिल पर्यटन प्रवद्र्घनको लागि गरेको पब्लिसिटीको काइदा हो ।
‘वेलकम टू नेपाल, द बर्थप्लेस अफ लर्ड बुद्व’, ‘नेचुरल्ली नेपाल, वन्स इज नट इनफ’, ‘माउन्ट एभरेष्ट, टप अफ द वल्र्ड: नेपाल्स यूनिक ट्रेजर’, ‘नेपाल: अलवेज एटरेक्टिभ एण्ड सेफ डेसटिनेशन फर टूरिस्ट’, तस्बिरहरुले रंगिएका ट्रामहरु ब्रसेस्ल वरिपरि गुडिरहेका छन् । यूरोपियन युनियन र नेटोको हेडक्वार्टर रहेको ब्रसेल्स सहर, जहॉ अन्तर्राष्ट्रिय बैठक र सेमिनारहरु हुने गर्छन् । अन्तर्राष्ट्रिय महत्त्व राख्ने ब्रसेल्समा संसारभरबाट पर्यटकहरु त्यहॉ पुग्ने गर्छन् ।
निकै व्यस्त सहर ब्रसेल्स, मानिसहरु आवज जावतको लागि दैनिक हजारौले ट्रामलाई प्रयोग गर्छन । यात्रु र अन्य सबैको ऑखा पर्ने हुनाले यातायातको नेटवर्कमा गरिएको विज्ञापनलाई युरोपेली मुलुकहरुमा प्रभावकारी नै मानिन्छ । यहि अगस्त १६ देखि २९ सम्म दुई हप्ताका लागि २० वटा ट्राममा राखिएका पोस्टरहरुमा लाखैको ऑखा पर्ने र पर्यटन प्रवद्र्घनको लागि प्रभावकारी हुने दूतावास श्रोतको दावी छ ।
दूतावासले नेपाल प्रबर्द्धन अन्तर्गत गत जुलाई ११ मा नेदरल्याण्डको आमष्ट्रडममा ‘नेपाल प्रमोसन इभेन्ट’ कार्यक्रमको आयोजना गरेको थियो । कार्यक्रममा कार्यवाहक राजदूत घनश्याम भण्डारीले नेपालको पर्यटन क्षेत्रको हालको अवस्थाबारे चित्रण गर्दै गत वर्षको विनाशकारी भूकम्पपश्चात समेत नेपाल पर्यटनको लागि सुरक्षित गन्तव्य रहेको जानकारी गराएका थिए । नेपालको पर्यटन सबै खालका पर्यटकका लागी सबै खालका अनुभवहरू दिनसक्ने र साहसी एंव पर्या पर्यटन नेपालको विशेष उत्पादन रहेको बताएका थिए ।
कार्यक्रममा उपस्थित डच नागरिकहरुले आफू नेपाल भ्रमण गर्दाका रोचक कहानी सुनाएका थिए । विभिन्न पेशा एवं क्षेत्रमा संलग्न गैरआवासीय नेपाली, डच र अन्य विदेशी नागरिकहरुको कार्यक्रममा सहभागीता रहेको थियो ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon