 |
भाद्र ७, २०७३- कांग्रेस सभापति शेरबहादुर देउवाले आफ्नो पार्टीबाट सरकारमा जाने नेताहरू छान्न कुनै विवाद नरहेको दाबी गरेका छन् । उनले पार्टीबाट मन्त्रीमा पठाउने नेताहरूको टुंगो लागिसकेको दाबीसमेत गरेका छन् ।
कांग्रेस महामन्त्री शशांक कोइरालाद्वारा मंगलबार राजधानीको टोखास्थित निवासमा आयोजित चियापान कार्यक्रममा उनले मंगलबार मन्त्रिपरिषद विस्तार हुने जानकारी दिए । ‘हाम्रो पार्टीमा मन्त्री छान्ने विषयमा कुनै विवाद छैन, सबै टुंगो लागिसकेको छ । बुधबार मन्त्रिपरिषद विस्तार हुन्छ’ देउवाले भने ।
कांग्रेसको भागमा १३ मन्त्रालय परेका छन् । कांग्रेसको कोटाबाट उपप्रधान तथा गृह मन्त्रीमा बिमलेन्द्र निधि र भौतिक पूर्वाधार मन्त्रीमा रमेश लेखकमात्र नियुक्त भएका छन्, बाँकी ११ मन्त्री नियुक्त हुन बाँकी छ । सभापति देउवा र वरिष्ठ नेता रामचन्द्र पौडेलबीचको विवादका कारण कांग्रेसले मन्त्री छान्न सकेको छैन ।
गम्भीर रूपमा अस्वस्थ भई अस्पतालमा उपचारपछि निवासमा आराम गरिरहेका महामन्त्री शशांक मंगलबार चियापानी आयोजना गरी पहिलोपटक सार्वजनिक कार्यक्रम सहभागी भएका हुन् ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon