 |
दिपक चन्द, भूकम्पले हाम्रा मन्दिरहरु भत्काए पनि हाम्रा आस्थाहरु डगमगाएका छैनन् । वैशाख १२ को महाविनाशकारी भूकम्पले क्षतिग्रस्त पाटनको कृष्णमन्दिरमा देखिएको भक्तजनको घुँइचोले हाम्रो अटल आस्थालाई पुनः एकपटक प्रमाणित गरेको छ । अहिलेसम्म पुननिर्माण नभएको पाटनको कृष्णमन्दिरमा सर्वसाधारणलाई प्रवेशमा रोक लगाइएको छ । मन्दिर भित्र रहेको कलशलाई बाहिरै राखेर सर्वसाधारणलाई पूजाअर्चना गर्न दिइएको छ । मन्दिर परिसरमा मात्रै पूजा गर्न भएपनि ललितपुरको कृष्ण मन्दिरमा सर्वसाधारणको भीड लागेको छ ।
पाटनको कृष्ण मन्दिरको पुर्नर्निमाणको काम जारी छ । पुर्नर्निमाण चलिरहेकै समयमा भगवान कृष्णको जन्मउत्सव अर्थात कृष्ण जन्माष्टमी परेपछि भक्तजनहको विहानैदेखि भिडभाँड थियो । कृष्णको दर्शन गर्न निकै टाढा टाढावाट भक्तजनहरु ललितपुरको मंगलवजारमा अवस्थित कृष्ण मन्दिर पुगेका छन । भूकम्पले क्षतिग्रस्त वनाएको कृष्ण मन्दिरको मुल ठाउँमा जान नदिए पनि मन्दिरकै भूईतलामा भगवान कृष्णको दर्शन गर्ने व्यवस्था मिलाइएको थियो । भूकम्पले क्षतिग्रस्त पुगाएको कृष्ण मन्दिरमा आउने भक्तजनहरुमा भगवान कृष्णप्रतिको मोहमा भने कुनै कमी देखिदैनथ्यो । भक्तनहरु कृष्ण जन्माष्टमीका दिन उपासना तथा पुजाआजा गर्दा एक किसममो शक्ति प्राप्त हुने र मनोकामना पुरा हुने विश्वास रहेको छ ।
दिनभर निराहार बसेर कृष्ण भगवानको पूजाआजा र दर्शन गर्दा मनोकाँक्षा पुरा हुने पुरोहीतहरु वताउँछन । भगवान विष्णुको आठौ अवतार समेत रहेको कृष्णले अन्याय, अत्याचारसँग जुधने शक्ति दिने विश्वास रहेको समेत पुरोहीतहरुको दावी छ ।
पाटनको कृष्ण मन्दिरसँगै वसन्तपुरको हनुमानढोकामा अवस्थित कृष्ण मन्दिरको अवस्था पनि उस्तै छ । बैशाख १२ को महाविनाशकारी भूकम्पवाट यो मन्दिर पनि अछुतो रहन सकेन । यहाँ आउने भक्तजनहरुमा पनि भगवान कृष्णप्रतिको उत्साह र आस्थामा कुनै कमी देखिदैनथ्यो । विहानैदेखि वसन्तपुरमा रहेको कृष्ण मन्दिरमा पनि भक्तजनहरुको उत्साहजनक भिडभाँड रहेका छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon