 |
भाद्र ३, २०७३- एमाले नेताहरूले माओवादी केन्द्रले विभिन्न शक्तिको प्रलोभनमा परेर एमालेसँगको सत्ता समीकरण बदलेको विश्लेषण गरेका छन् । एक सातादेखि जारी स्थायी समितिको बैठकमा शुक्रबार बोल्ने नेताहरूले माओवादी केन्द्रको आफ्नै चाहनाका कारण समीकरण नबदलिएको बताएका हुन् ।
शुक्रबारको बैठकमा उपमहासचिव विष्णु पौडेल, स्थायी समिति सदस्यहरू सुवास नेम्बाङ र छविलाल विश्वकर्माले धारणा राखेका थिए । ‘हाम्रो पार्टीले एमाले र माओवादी केन्द्रका बीचमा निर्माण भएको समीकरणलाई दीर्घकालीन रूपमा अघि बढाउन चाहेको भए पनि माओवादी केन्द्र स्वयंले राजनीतिक समीकरणको कोर्स बदल्न चाहेको र उसलाई विभिन्न शक्तिको प्रलोभनले त्यस्तो ठाउँमा पुर्याएको कारणले नै समीकरण बदलिन पुगेको हो भन्ने भनाइ बैठकमा प्रस्तुत भएका छन्,’ एमाले प्रचार विभाग प्रमुख योगेश भट्टराईले भने ।
‘विगतको सरकारको समीक्षा’ शीर्षकमा भइरकेको बैठकमा नेताहरूले धारणा राख्ने क्रम जारी छ । शुक्रबार बोल्ने नेताहरूले सत्ता समीकरण टुट्नुको कारणबारे विश्लेषण गरेका थिए । उनीहरूले संविधान निर्माणमा पार्टीले नेतृत्वदायी भूमिका निर्वाह गरेको, पार्टी नेतृत्वको सरकारले जनता र राष्ट्रका पक्षमा सकारात्मक काम गरेको, नेपालको परराष्ट्र सम्बन्धलाई सन्तुलित रूपमा परिचालन गरेको, राष्ट्रको आर्थिक समृद्धिका पक्षमा जनतामा आत्मविश्वास बढाएको लगायतका उपलब्धि हासिल भएको धारणा राखेका थिए ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon