 |
भाद्र ३, २०७३- सत्तारुढ नेकपा (माओवादी केन्द्र) ले पुस अन्तिम साता गर्ने भनेको राष्ट्रिय महाधिवेशन स्थगित गरेको छ । प्रधानमन्त्री तथा पार्टी अध्यक्ष पुष्पमकमल दाहालको निजी निवास लाजिम्पाटमा बसेको पार्टी हेडक्वार्टर बैठकले सरकार सञ्चालनको व्यस्तता त्यस बेलासम्मै जारी रहने प्रष्ट देखिएकाले महाधिवेशन सार्नुपरेको प्रष्टीकरण दियो ।
'अध्यक्ष कमरेडकै नेतृत्वमा सरकारमा रहेर पार्टीले संविधान कार्यान्वयनलगायत देशमा आइपरेका चुनौती व्यवस्थापन गर्नुपरेकाले महाधिवेशनलाई दोस्रो प्राथमिकतामा राख्ने निर्णय गरेका हौं,' बैठकपछि प्रवक्ता पम्फा भूसालले भनिन्, 'सरकारकै काममा मूख्य ध्यान दिनुपर्ने र पार्टीका काममा अध्यक्षले पर्याप्त समय दिन नसक्ने वस्तुगत परिस्थितिका कारण महाधिवेशन स्थगित गर्ने निर्णय गरिएको छ ।'
उनले भदौ ११ गते गर्ने भनिएको राष्ट्रिय महाधिवेशन आयोजक समितिको बैठक पनि स्थगित गरिएको जानकारी दिइन् । बैठकको अर्को मिति तोकिएको छैन । त्यसअघि सात वटै प्रदेशमा हेडक्वार्टर नेतासहित उपस्थित भएर प्रादेशिक बैठक गर्ने पार्टी निर्णय छ ।
१० माओवादी धारा मिलाएर जेठ ६ गते पार्टी एकता गरेकेा माओवादीले पुसमा एकताको महाधिवेशन गर्ने निर्णय गरेको थियो । त्यसका लागि २ हजार १ सय सदस्यीय आयोजक समिति समेत गठन भइसकेको थियो ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon