 |
भाद्र ९, २०७३- आफ्नै साथी हत्या गरेको अभियोगमा एक जना नेपालीलाई बहराइनको अदालतले आजीवन काराबासको सजाय दिएको छ ।
बहराइनको राजधानी मन्मास्थित नेपाली दुताबासका अनुसार पोखराका तिलबहादुर गर्वुजालाई अदालतले आजीवन काराबासको फैसला सुनाएको हो । तिलबहादुरमाथि कम्पनीले उपलब्ध गराएको क्याम्पमा सुतिरहेका बेलबारी मोरङका दीपेन्द्र बस्नेतको घाँटी रेटेर हत्या गरेका अभियोग लागेको थियो ।
‘गर्वुजालाई अदालतले आजीवन सजाय सुनाएको छ,’ बहराइनस्थित नेपाली कार्यबाहक राजदुत खगराज पाण्डेले कान्तिपुरसँग भने, ‘गर्वुजालाई स्थानीय जेलमा राखिएको छ ।’ दुबै जना सेक्रीकोर कम्पनीका सुरक्षा गार्ड थिए । गर्बुजाले १७ मे, २०१५ का दिन बस्नेतको हत्या गरेको अभियोग छ । उनलाई त्यही दिन पक्राउ गरिएको थियो ।
घटना बिबरण
कम्पनीले आफ्ना कामदारलाई रफ्फास्थित क्याम्पमा राखेको थियो । घटना हुनु अघिल्लो दिन (१६ मे, २०१५ आइतबार राति) ब्यक्तिगत बिषयमा आपसी बिबाद भएको थियो । दिपेन्द्रका एक सहकर्मीले स्थानीय पत्रिकालाई दिएको बिबरण अनुसार सोमबार बिहान कोठाका साथीहरु काममा गएका थिए । दिपेन्द्र काममा जाने समय नभएकोले कोठामा सुतिरहेका थिए । ‘म कोठाभित्र छिर्न लाग्दा गर्बुजालाई हतारिंदै बाहिर निस्केको देखे । उ केही बोलेन । दिपेन्द्रलाई उठ्न बोलाएँ । उसले कुनै प्रतिक्रया दिएन,' उसले भनेका थिए,‘ब्लङकेट उठाएर हेर्दा घाँटी काटिएको अबस्था देखें । बेड पुरै रक्ताम्य भइसकेछ ।’
घटना लगत्तै प्रहरी आइपुग्यो । प्रहरीले शवलाई हेर्दा उसको लिंङ पनि काटिएको अबस्थामा थियो । गर्वुजाले आफैले हत्या गरेपछि भिडियो खिचेर सामाजिक सञ्जालमा पनि हालेका थिए ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon