 |
भाद्र ४, २०७३- इमाडोल, ललितपुरकी निशा रावल ५ फिट ७ इन्च अग्ली छिन् । उनको तौल ८० केजी छ । त्यसैले झट्टै हेर्दा उनी खेलाडीजस्तो लाग्दैन । तर, रोहित र राधिकाका यी पहिलो सन्तान आज रियो ओलम्पिकमा प्रतिस्पर्धा गर्दैछिन् ।
नेपाल कमर्स क्याम्पसमा बीबीएस तेस्रो बर्षमा अध्ययनरत उनले ११ बर्षअघि तेक्वान्दो खेल्न सुरु गरेकी थिइन् । ब्ल्याक बेल्ट तेस्रो डान लिएकी उनका बुबा प्रहरीमा छंदा धावक (एथलेटिक्स खेलाडी) थिए । बहिनी एलिना त्रिभुवन आर्मी क्लबकी भलिबल खेलाडी हुन् । तीन सन्तानमध्येका कान्छो भाइ एन्फा एकेडेमीको यू–१४ मा रहेर फुटबल खेल्छन् ।
पहिलोपल्ट ओलम्पिक खेल्न लागेकी २० बर्षीय निशा तेक्वान्दोमा कसरी लागिन् ? र, ओलम्पिक तयारी कस्तो रह्यो ? उनकै शब्दमा :
...
नेपाल पुलिस स्कुलमा कहिलेकाहि दौड प्रतियोगितामा सहभागी भएको थिए । स्कुलमा धेरै खेल ल्याइए । एक खेल अनिवार्य खेल्नैपर्ने भयो । बुबालाई सोध्दा उहाँले तेक्वान्दो माथि आइरहेको खेल हो, यसमा नेपालले मेडल जितिरहेको छ, यही खेल्नु राम्रो हुन्छ भन्नुभयो । केहि परिहाले सेल्फ डिफेन्स (आफ्नै रक्षा) को लागि पनि तेक्वान्दो काम लाग्ने उहाँले बताउनुभएको थियो । त्यसैले मैले मैले तेक्वान्दो खेल्ने निधो गरेको थिए ।
बच्चादेखि नै म मोटी थिए । स्वस्थ बन्न, सेल्फ डिफेन्स गर्न र तौल सन्तुलनमा राख्न पनि तेक्वान्दोले फाइदा गर्ने पक्का थियो । तौल भने घटेन तर ८० केजीको भएपनि म फिट छु ।
एसएलसीपछि बुबाले मैत्री डोजाङ, सातदोबाटोमा मलाई लग्नुभयो । त्यहाँ तेक्वान्दो खेल्न थालेको २–३ महिनामै जिल्ला छनोट भएको थियो । खेले र जिते । त्यसपछि क्षेत्रीय स्तरमा पनि खेले, जिते । त्यसबेलासम्म कुन प्रतियोगिता खेल्दैछु भन्ने मलाई थाह थिएन । केन्द्रमै छनोट भएपछि मात्र पाँचौं राष्ट्रिय खेलकुद (२०६५) रहेछ भन्ने थाह भयो । त्यसपछि मात्र खेलप्रति आकर्षण बढ्दै गयो । खेल्न मन लाग्यो । र, खेलाडी बन्ने सोच्न थाले ।
नसोचिएको ओलम्पिक
मैले तेक्वान्दो खेल्न थालेको ११ बर्ष भयो । तर, एक बर्षअघिसम्म पनि ओलम्पिक खेल्ने सोचेको थिएन । दुई बर्षअघि एसियन गेम्समा पहिलो खेलमै हारेपनि गुरुहरुको प्रतिक्रिया सुनेपछि ठूलो गेम खेल्न पाउँछु भन्ने लागेको थियो ।
ओलम्पिक छात्रवृत्ति (प्रशिक्षण र प्रतियोगिता खेल्ने सुविधाका लागि मासिक ६ सय ७० अमेरिकी डलर) पाउँदा ओलम्पिक खेल्ने अलि आस पलाएको थियो । तर, सिनियर दिदीहरु पनि खेलिरहनु भएको थियो । त्यसैले ओलम्पिक खेल्ने अवसर मैले नै पाउने चाही लागेको थिएन ।
वैशाखमा मनीलामा भएको एसियाली ओलम्पिक छनोटमा फिलिपिनोसँग पहिलो खेलमै हारेको थिए । मलाई हराएर उनी ओलम्पिकमा छनोट भएकी थिइन् । त्यसबेला मलाई हार्छुजस्तो चाहि लागेको थिएन । आफ्नो खेल राम्रै लागेको थियो तर जति हुनुपर्ने त्यति भएन । त्यसपछि सुधार राम्रै भइरहेको छ तर जति हुनुपर्ने त्यति अझै भएको छैन ।
छनोटमा हारेपछि ओलम्पिक खेल्न पाउने खासै आस थिएन । तेक्वान्दोमा चार जनाले मात्र वाइल्ड कार्ड पाउने सुनेको थिए । त्यसमा म पनि परे, भाग्यमानी रहेछु । हेभिवेट (६७ केजीमाथि) मा १६ खेला८ी छन् र यसमा ‘वाइल्ड कार्ड’ पाउने म एक्ली हो ।
पहिलो खेलमा चिनियाँ झेङ सुयिनसँग परेकी छु । ओलम्पिकमा खेल्ने सबै खेलाडी उत्कृष्ट छन् । झेङ विश्व वरीयताका नम्बर १ खेलाडी हुन् । आत्मविश्वासी भएर खेल्दै उनलाई कडा चुनौती दिने कोसि गर्नेछु । मलाई जसरी पनि तीन राउन्ड टिक्नु छ ।
कुनै खेल जित्छु भनेर म दाबी गर्दिन । तर रिपेचर (फाइनल पुग्नेसँग पराजित भएकाहरुवीच कांस्यपदकको लागि हुने प्रतिस्पर्धा) मा अवसर पायो भने खेल जित्छु भन्ने लागेको छ ।
तयारी ‘ठीकै’
ओलम्पिकको तयारीमा गरिएको प्रशिक्षणमा सँधै दाईहरुसँग खेलेको थिए । उहाँहरुसँग खेलमा खाएको कुटाईले पनि मेरो खेलमा सुधार भएजस्तो लाग्छ । अहिले राम्रो फर्ममा छु ।
दक्षिण कोरियामा एक महिने ट्रेनिङले भने उपलब्धिमूलक भएन । त्यहाँको सेड्युल प्रभावकारी थिएन । विश्वविद्यालयका विद्यार्थीसँग प्रशिक्षण गर्नुपथ्र्यो । हामीलाई खासै मतलव गर्दैनथ्यो । स्वदेश फर्केर गुरु (संगीना वैद्य)सँग एक महिना प्रशिक्षण गरेपछि भने राम्रोभ एको छ । त्यस्ेले यस्तो तयारीरीलाई ‘ठीकै’ भन्नुपर्छ । तयारी अपेक्षाअनुसार भने होइन । एक बर्षे छात्रवृत्तिको पैसाले मलाई बिदेशमा प्रशिक्षण गर्ने र प्रतियोगिता खेल्ने अवसर दिएको भए धेरै राम्रो हुन्थ्यो ।
ओलम्पियन गुरु पाएकीले पनि मलाई फाइदा भएको छ । ओलम्पिक खेल्दाको दबाब कस्तो हुन्छ र दबाबमा उत्कृष्ट खेलाडीसँग कसरी भिड्ने भन्नेबारे अनुभव उहाँले सेयर गर्नुभएको छ । यसले मलाई आत्मविश्वासी बन्न सहयोग गरेको छ । छनोट पार गरेर ओलम्पिक खेल्ने पहिलो नेपाली रहेकी उहाँ (संगीना) मेरो आइडल खेलाडी पनि हुनुहुन्छ ।
मेरो उचाई ५ फिट ७ इन्च छ । पहिले यो उचाई ठीकै हुन्थ्यो । तर, अहिले बिदेशी खेलाडी एकदमै अग्ला हुन्छन् । त्यसैले तेक्वान्दो उचाई भएकाहरुको खेल हुदै गएको छ । यस्तोमा हामीलाई किक हान्न एकदमै गाह्रो हुन्छ ।
अन्तर्राष्ट्रिय प्रतियोगितामा निशा
बर्ष/स्थान प्रतियोगिता उपलब्धि
सन् २०१४/काठमाडौं माउन्ट एभरेष्ट तेक्वान्दो च्याम्पियनसिप स्वर्ण
सन् २०१४/इन्चोन १७ औं एसियाली खेलकुद पहिलो चरण
सन् २०१५/ग्वाङ्जु २८ औं युनिभर्सियाड पहिलो चरण
सन् २०१५/जेन्जु जेन्जु ओपन तेक्वान्दो च्याम्पियनसिप रजतपदक
सन् २०१६/हङकङ एसियन सिटीज तेक्वान्दो च्याम्पियनसिप स्वर्णपदक
सन् २०१६/मनीला रियो ओलम्पिक छनोट (एसियाली) पहिलो चरण४ भदौ, २०७३
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon