 |
काठमाडौँ। नेपाल कम्युनिष्ट पार्टीले भूकम्पपीडित जनतालाई चाँडो सहयोग उपलब्ध गराउन सरकारसँग माग गरेको छ । पार्टीले भूकम्पपीडित जिल्लाका अधिकांश जनताले १५ महिनादेखि राहत र सहयोग नपाएर चुहिँदो झरीमा नै जीवन बिताउन बाध्य रहेको अवस्थामा उनीहरूलाई पुनःस्थापना गर्न आग्रह गरेको छ ।
पार्टीका अध्यक्ष ऋषिराम कट्टेलले बुधबार जारी गर्नुभएको विज्ञप्तिमा भूकम्पपीडितमाथि सत्ता र प्रतिपक्षको राजनीति नगर्न आग्रह गर्दै तत्काल जनतालाई आवश्यक राहत, प्राविधिक सहयोग तथा सुरक्षित आवासका लागि युद्धस्तरमा सहयोग गर्न र पीडित जनतालाई आश्वस्त तुल्याउन माग गरिएको छ ।
त्यसैगरी, दैनिक उपभोगका अत्यावश्यक वस्तुको चर्को मूल्य वृद्धिका साथै विद्युत् महसुलको थप वृद्धि, मुलुकमा व्याप्त भ्रष्टाचार, राजस्व ठगी, तस्करी र कालोबजारीले जनताको ढाड भाँच्ने र देशको विकासमा अवरोध पु¥याउने भएकाले त्यस्तालाई कारबाही गरी विधिको शासन स्थापना गर्न आग्रह गरिएको छ ।जनताका समस्याप्रति सचेत भई राष्ट्रिय मुद्दामा राष्ट्रिय सहमति खोजी गर्न पनि सुझाइएको छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon