 |
भाद्र ४, २०७३- उसेन बोल्ट र रायन लोच्ते ठीक उल्टो कारणले बिहीबार ओलम्पिकको केन्द्रमा रहे ।
बोल्ट लगातार तीन ओलम्पिकमा १ सय २ सय मिटरको स्वर्णपदक जित्ने पहिलो स्प्रिन्टर बने । यसले उनलाई ओलम्पिक इतिहासकै सर्वाधिक सफल पुरुष स्प्रिन्टरका रूपमा स्थापित गर्यो । उनले १९.७८ सेकेन्डको समय निकाल्दै क्यानडाका आन्द्रे डे ग्रेसलाई हराएर २ सय मिटरको स्वर्ण जितेका थिए । उनले रियोमा यसअघि नै १ सय मिटरमा सफलता हात पारेका थिए ।
लामो समयदेखि उनले यसलाई आफ्नो फेवरेट दौड भन्दै आएका थिए र उनले जमैकन झण्डा फहराउँदै स्टेडियममा लामै समय सेल्फी खिच्दै खुसियाली मनाएका थिए ।
‘महान् हुँ भन्ने मैले संसारलाई प्रमाणित गरेको छु,’ बोल्टले भने, ‘म यसैका लागि यहाँ आएको थिएँ । त्यो मैले गरिरहेको छु । त्यसैले यसलाई मैले आफ्नो अन्तिम ओलम्पिक पनि भनेको छु । म अरू कुनै प्रयोग चाहन्नँ ।’
ओलम्पिकमा सबै समर्थक बोल्टको जितमा झुम्मिएका थिए । अमेरिकी स्वीमर रायन लोच्ते र उनका तीन साथीले भने गलत कारण चर्चा पाएका छन् । पार्टीपछि आइतबार बन्दुकधारीले ट्याक्सीमा लुटिएको दाबी गरेपछि लोच्ते र उनका साथीहरू साताभरि नै चर्चामा छन् । उनले कथा बनाएको आरोप प्रहरीले लगाएको छ ।
त्यो घटनालाई छाडेर बिहीबार ट्रयाक एन्ड फिल्डमा अमेरिकाले अर्को सफलता हासिल गर्यो भने जोर्डनले पहिलो ओलम्पिक च्याम्पियनका रूपमा पुरुषतर्फ तेक्वान्दोमा हात पार्यो । अमेरिकी महिला बास्केटबल टिम फेरि पनि ओलम्पिक फाइनल पुगेको छ ।
अमेरिकी खेलाडीले पुरुष र महिलाको ४ सय मिटर हर्डल्समा स्वर्णपदक जिते । पुरुषको शटपुटको शीर्ष दुई स्थानमा अमेरिकी खेलाडी नै रहे । विश्वकै अलराउन्ड एथलेटिक्स खेलाडीमा महान्मध्ये मानिएका अस्टोन इएटोनले लगातार दोस्रोपल्ट डेकाथलनमा स्वर्ण हात पारे । बोल्टसँगै नहुने हो भने उनीतर्फ ध्यान केन्द्रित हुन सक्थ्यो । अमेरिकाले नौ स्वर्णसहित ट्रयाक एन्ड फिल्डमा २५ पदक जितेको छ ।
ब्राजिलले पनि दुई स्वर्णपदक थपेको छ । उसले सेलिङ र बिच भलिबलमा स्वर्ण जितेको हो । पुरुषतर्फ एलिसन र ब्रुनोको टिमले वर्षाबीच दिलाएको उपाधिको खकोपाकबाना बिचमा भव्य खुसियाली मनाइएको थियो । सेलिङमा मार्टिन ग्रेल र काहेना कुन्जेले रोमाञ्चक जित दिलाएका थिए ।
डाइभिङमा चीनको वर्चस्व कायमै रह्यो । महिलातर्फ १० मिटर प्लेटफर्ममा १५ वर्षीया रेन क्वीनले स्वर्णपदक जितिन् ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon