 |
सुनसरीको अमडुवा गाविस–९ स्थित रहेको पोखरीको पानीमा डुबेर आज दिउँसो तीन बालिकाको मृत्यु भएको छ ।
स्थानीय जनता प्राथमिक विद्यालयको नजिक रहेको पोखरीमा नुहाउन गएका बेला तीन बालिकाको डुबेर एकसाथ मृत्यु भएको स्थानीय शतेन्द्र मेहताले जानकारी दिनुभयो ।
गर्मी छल्न पोखरीमा नुहाउन गएको बेला स्थानीय ११ वर्षीया करुणा उराँव, १३ वर्षीया दिपीका उराँव र सोही ठाउँकी १० वर्षीया नन्दनी उराँवको डुबेर मृत्यु भएको मेहताले बताउनुभयो ।
यता तीनै बालिकाको एक साथ डुबेर मृत्यु भएको पुष्टि गर्दै सुनसरीका प्रहरी उपरीक्षक पोषराज पोखरेलले शव परीक्षणका लागि ल्याउन प्रहरी टोली साँझ घटनास्थलतर्फ पठाइएको जानकारी दिनुभयो ।
उपरीक्षक पोखरेलका अनुसार तीनै बालिका स्कुल बिदा भएको बेला नुहाउन गएको र निकै बेरसम्म फर्केर नआएपछि खाज्दै जाँदा उनीहरु मृत फेला परेका हुन् ।
उनीहरुको परिवारजनका अनुसार गर्मी भएकाले विद्यालय छुट्टी भएपछि घरबाट निस्केको र खोज्दै जाँदा मृत भेटिएको हो । घटना भएपछि स्थानीय शोकमा डुबेका छन् भने परिवारजनमा रुवाबासी भएको छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon