 |
काठमाडौं । कार्यक्रम सिधा कुरा जनतासँग प्रशारणमा आएसँगै फरक–फरक प्रकृतिका धेरै गुनासो हामीसँग आउँछन् । कतिपय गुनासा र समस्या हामीले समाधान गरायौँ । यस्तै घटनामध्ये कार्यक्रमको १९ औँ श्रृङखलामा इराकमा बेचिएकी एक नेपाली चेली स्काइपमार्फत हाम्रा कार्यक्रममा लाइभ गुहार माग्न आइन् ।
हामीलाई अप्रत्याशित रुपमा आएको यो स्काईप कलले स्तब्ध त पा¥यो तर त्यसैबखत हामीले हाम्रा दर्शकहरुलाई लाईभ कार्यक्रममा यस्तो वाचा गरेका थियौं ।
उनी थिइन्, रसुवा चिम्लेकी २४ वर्षीय कविता तामाङ । रोजगारीको लागि विदेशिन खोज्दै गर्दा लाटा भनेर चिनिने शाम्देन लामा उनको सम्पर्कमा आयो । लामाले कवितालाई एक ठाउँमा भनि अर्काे ठाउँमा पु¥यायो । तामाङसहित ईराक पुगेका नेपाली युवतीहरु बग्दादको विमानस्थल पुग्दा पनि थाहा पाएनन् आफूहरु बेचिएको । विमानस्थलबाट गाडी चेन्द गर्दै उनीहरुलाई अफिस लगियो । जहाँ आफ्नै अघि नेपाली चेली बलत्कार भएको देखिन् कविताले ।
मानव बेचविखन हुने उक्त कार्यालयमा पुगेपछि मात्र कविताले थाहा पाईन आफू १३ हजार डलरमा बेचिएको कुरा । इराकमा उनी एक प्रहरी अफिसरको घरमा बेचिएकी थिइन् । उनलाई घरभित्रै बन्दक बनाई दैनिक १६ घण्टाभन्दा बढी काममा लगाइन्थ्यो । उनीसँगै ईराक पुगेका चेलीहरु अझै उद्दारको पर्खाइमा छन् ।
साथीहरुको र आफ्नो दैनिकीबाट अब बाँच्दैनौ जस्तो लागेपछि कविता हाम्रो कार्यक्रममा सम्पर्क गरेकी रहिछन् । हाम्रो कार्यक्रममा उनले दर्दानाक अवस्था सुनाएपछि सिधाकुरा जनतासँगको टिम तत्काल गोप्य तरिकाले उद्दारमा लाग्यो । यसबीच हामीले सम्पर्क ग¥यौं शक्ति समूहलाई जसले धेरै चेलीहरुको उद्दार गरेर राष्ट्रिय तथा अन्तर्राष्ट्रिय ख्याती कमाएको छ । शक्ति समूहकी सुनिता दनुवार जो आफैँ मानव बेचविखनकी शिकार बनेर पनि मानव बेचविखन विरुद्व दर्जनौं सफलताहरु हाँसिल गर्दै धेरैको प्रेरणाको स्रोत बनेकी छिन् । हाम्रो टिम र शक्ति समूह मिलेर सम्पूर्ण कानुनी प्रक्रियासँगै कविता तामाङसहितका युवतीहरुलाई नेपाल फर्काउन प्रण गर्दै लागि प¥यौं ।
कविता तामाङका बारेमा शक्ति समूहले प्रहरीसँग समन्वय गरेपछि अपराध महाशाखा टेकुले शाम्देन लामालाई नियन्त्रणमा लियो । लामालाई समातेपछि हाम्रो टिम र शक्ति समूहले कवितालाई नेपाल फर्काउनका लागि सबै प्रक्रिया पुरा ग¥यौँ । अन्तत इराकमा बेचिएकी कविता तामाङले चैत ६ गते राती ११ बजे त्रिभुवन अन्तर्राष्ट्रिय विमानस्थलमा पाइला टेकिन् । विमानस्थलमा कवितालई रिसिभ गर्न हाम्रो टिमका साथै शक्ति समूहबाट बाला भट्टराई र मनमाया दोङका साथै अपराध महाशाखाबाट प्रहरीको टोली पनि पुगेको थियो । यो पल कविता तामाङ मात्र नभई हामी सबैको लागी खुसीको पल थियो ।
१६ महिना १६ घण्टाभन्दा बढी खटिएपनि नेपाल आउँदा खाली हात आईन् कविता ।
कविता नेपाल आएपछि धेरै दिन उनी शक्ति समूहको सहकार्यमा विभिन्न काम गर्दै व्यस्त भईन । कार्यक्रम प्रशारण गर्न समय जुरेपछि बुधवार हामी सबै हाम्रो कार्यालयमा जम्मा भयौं । त्यही समयमा हामीले कवितालाई उद्दार गर्न सहयोग गर्ने शक्ति समूहकी सुनिता दनवारलाई पनि बोलायौं । ईराकमा बेचिएकी कविता एक्ली होईन् । अझ कविता तामाङ जस्ता थुप्रै नेपाली युवतीहरु इराकमा बेचिएका छन् । अन्य नेपाली चेलीहरुको पनि शक्ति समूहको बिषेश पहलमा उद्दारको प्रक्रिया चलिरहेको छ ।
मात्र १० गते स्काईपमार्फत हाम्रो सम्पर्कमा अएकी कविता चैत ६ गते नेपाली आईन । कविताको उद्दार गर्न करिव २ महिनाको समय लाग्यो । यसबीच हाम्रा धेरै दर्शकहरुले कविता तामाङको विषयलाई किन फ्लो नगरेको भनि प्रश्न गरेका थिए । अनि धेरै दर्शकहरुले कवितालाई नेपाल फर्काउन आफूहरुले सहयोग गर्न प्रतिबद्धता जनाए ।
अंकित शाहले कवितालाई उद्दार गर्न १३ हजार डलर धेरै भएपनि आफूले सक्ने सहयोग गर्न तयार भएको बताए । यस्तै विशाल भूर्तेललगायतका दर्शकहरुले कवितालाई उद्दार गर्न पैशा संकलन गर्न आफूहरु तयार भएको बताए । लामालाई नेपाल ल्याउन र उनलाई बेच्नेहरुलाई समात्न अनुसन्धानको काम भईरहेकाले हामीले त्यतीबेला कवितावारे फ्लोअप गर्न सकेनौं ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon