 |
एक–अर्काको भावना, इच्छा र कामको सम्मान गर्न जानियो भने मात्र वैवाहिक सम्बन्ध दिगो रहन सक्छ भन्छिन्–सञ्चारकर्मी श्रद्धा अर्याल । श्रद्धाले आफूले सोचेजस्तै उनलाई बुझ्ने, माया गर्ने र उनको कामको सम्मान गर्ने जीवनसाथी पाएकी छिन् । पत्रकारिता पढ्ने क्रममा मास्टर पढिरहेका भाष्कर र ब्याचलर पढ्न पुगेकी श्रद्धाको भेट कलेजमै भएको हो । कक्षा फरक–फरक भए पनि क्यान्टिन तथा प्रोजेक्ट वर्कका क्रममा उनीहरूबीच भेटघाट हुन्थ्यो । हुन त श्रद्धालाई भाष्कर सुरुमै मन परिसकेका थिए । हेर्दा
ह्यान्डसम, स्मार्ट तथा आफूजस्तै बोलिरहनुपर्ने स्वभाव भएकाले श्रद्धाले नजादिँदो तरिकाले उनलाई आफ्नो मन दिइसकेकी थिइन् । उता भाष्कर पनि श्रद्धाको बोल्ने शैली तथा कामप्रतिको लगनबाट प्रभावित थिए । ६ महिनापछि भाष्करको कलेज सकियो तर त्यसपछिका दिनमा उनीहरूको डेटिङ चल्न थाल्यो । उनीहरूको प्रेममा कसैले प्रस्ताव गर्नै परेन । डेढ वर्षजतिको अफेयरमा उनीहरू प्राय: पार्क, रेस्टुराँ तथा रिसोर्ट पुगिरहन्थे ।
श्रद्धाकै भाषामा भन्ने हो भने उनीहरू घुम्न बाँकी काठमाडौंका कुनै ठाउँ रहेनन् । दुवैको जात मिले पनि श्रद्धाको घरमा विवाहका लागि मनाउन बढी नै गार्हो भयो । छोराहरू डाक्टर, इन्जिनियर भएकाले ज्वाईं पनि त्यस्तै हुन् भन्ने चाहना थियो घरमा । पत्रकार ज्वाइँ स्वीकार गर्न हम्मेहम्मे नै परेको थियो । त्यतिबेला भाष्कर नेसनल टेलिभिजनमा काम गर्थे तर विवाहपछि भाष्करको करियर पूर्णरूपमा बदलियो । उनले मलेसियन एम्बेसीमा काम गर्ने अवसर प्राप्त गरे ।
परम्परागत सोच बोकेको परिवारबाट आएकी श्रद्धालाई विवाहपछि थप स्वतन्त्रता मिलेको अनुभव हुन्छ । श्रीमतीको कार्यक्रमको पहिलो दर्शक पनि भाष्कर नै हुन् । सबैभन्दा बढी कमेन्ट पनि श्रीमान्बाटै प्राप्त गर्ने श्रद्धा श्रीमान्ले आफ्नो काममा कन्सेप्ट, सुझाव आदि दिनुका साथै ड्रेस, हेयर स्टाइलसम्ममा कमेन्ट गरी आफूलाई सुधार्ने मौका दिइरहेको बताउँछिन् । विवाह भएको ६ वर्ष पूरा भैसके पनि उनीहरू बाटोमा हिँड्दा भर्खरै अफेयर सुरु भएका जोडीजस्ता देखिन्छन् । उनीहरू आफूलाई श्रीमान्–श्रीमतीका साथमा बेस्ट फ्रेन्ड हौं भन्न पनि चुक्दैनन् ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon