 |
फाल्गुन ४, २०७३- जिल्लाको पकडी गाविसमा गत साता बलात्कृत किशोरीको बिहे रद्द भएको छ ।
१७ वर्षीया किशोरीको फागुन ३ गते विवाहका लागि तिलक तय थियो । केटी पक्षले सार्वजनिक भए विवाह प्रभावित हुने डरले घटना लुकाएको थियो । तर, बलात्कारमा संलग्न युवाले नै सार्वजनिक गरेपछि विवाह रद्द भएको छ । केटा पक्षले घटना विवरण थाहा पाएपछि विवाह नहुने सूचना पठाएको छ । विवाह रद्दपछि किशोरीकी आमा चिन्तामा परेको आफन्तले बताए । विपन्न परिवारकी युवती भारतभन्दा नेपालमा सजिलो र सस्तैमा विवाह हुने भन्दै आमाबुवासहित आएकी थिइन् । मंगलबार केटाको घरमा तिलक लिएर जाने कार्यक्रम थियो ।
दुई पक्राउ, चार फरार
किशोरीलाई सामूहिक बलात्कार गरेको आरोपमा पक्राउ परेका २ युवालाई हिरासतमा राखेर अनुसन्धान गर्न ५ दिन म्याद थपिएको छ । जिल्ला अदालतले उनीहरूलाई मंगलबार म्याद थपेको हो । जिल्लाको तौलिहवा–लुम्बिनी सडक खण्डअन्तर्गत पकडी बजार नजिक सिसौघारीमा गत माघ २६ गते सामूहिक बलात्कार भएको थियो । बलात्कार आरोपमा पकडी ४ पिखुर्खीका २० वर्षे बब्लु भन्ने अब्दुल रसिद र २६ वर्षे राहत हुसेन पक्राउ परेका छन् । उनीहरूसँग सोधपुछ भइरहेको प्रहरीले जनाएको छ । प्रहरीले अन्य प्रमाणहरू पनि जुटाइरहेको बतायो । घटनामा संलग्न अन्य ४ युवाको खोजी भइरहेको छ ।
खुला सीमाका कारण भारततिर लुकेको आशंका प्रहरीले गरेको छ । ‘सूत्र परिचालन गरेका छौं,’ जिल्ला प्रहरी प्रमुख भोजजंग शाहले भने, ‘उनीहरू छिट्टै पक्राउ पर्छन् । पहिचान खुलिसकेको छ ।’
बलात्कारमा परेकी युवती र उनका आमाबुवा असुरक्षित महसुस गरी भैरहवास्थित आफन्तको घरमा गएका थिए । नेपालमा विवाह गर्न पकडी गाविसस्थित मामाघर आएकी ती युवती बलात्कारमा परेकी थिइन् । डर, धम्की आएपछि अहिले किशोरीलाई भैरहवास्थित माइती नेपालमा राखिएको छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon