 |
काठमाडौं । काठमाडौं नारायणटारकी रमा पाण्डेले छोरो गम्भीर भएर अस्पतालमा भर्ना भएपछि उपचारका लागि घर बेचिन् । आम्दानीको केही स्रोत नभएपछि त्यही घर बेचेको पैसा ब्याजमा लगाइन् ।
चाबहिलमा सुन पसल चलाउने जबर श्रेष्ठले १८ प्रतिशत ब्याज दिने भन्दै २३ लाख रुपैयाँ उनीसँग लिएका थिए । त्यही ब्याजबाट रमाले छोराको उपचार गराउँदै आएकी थिइन्, छोरा पनि बित्यो पैसा लिएका जबर श्रेष्ठ पनि बेपत्ता भए ।
अहिले सहयोग मागेर गुजारा चलाउने अवस्थामा उनी पुगेकी छिन् । पाण्डेको २३ लाख लिने श्रेष्ठ हाल अमेरिका पुगेका छन् । स्रोतका अनुसार श्रेष्ठ न्यूयोर्कको ज्याक्सन हाइटमा व्यापार गरेर बसेका छन् ।
पाण्डेजस्तै करिब काठमाडौंका ४० जनालाई श्रेष्ठले बिचल्ली बनाएर उनी अमेरिका भागेका हुन् । उनले एक अर्बभन्दा धेरै ठगी गरेको उजुरी प्रहरीमा परेको छ । चावहिलमा श्रेष्ठको ठूलो सुन पसल थियो ।
काठमाडौंमा तीन वटा घरहरु थिए । ती सबै बेचेर उनी अमेरिका पुगेको उनी निकट व्यक्तिहरु बताउँछन् । अमेरिका भाग्ने योजनाका साथ उनले विभिन्न व्यक्तिहरुसँग चर्को ब्याजको प्रलोभन दिएर पैसा लिई ठगी गरेका हुन् ।
यो पनि
ठग जबर श्रेष्ठ पत्ता लाग्यो, भाग्न नदिन लामिछानेले गरे आग्रह (भिडियोसहित)
दर्जनौंलाई सडकमा ल्याउने श्रेष्ठलाई नेपाल ल्याउन प्रहरीले पनि चासो दिएको छैन । एक त पक्राउ गरेर उनलाई नेपाल ल्याउने सुपुदर्गी सन्धि समेत छैन । त्यही कुरा थाहा पाएरै उनी ठगी गरेर अमेरिका भागेका हुन् ।
उनीजस्तै क्यापिटल मर्चेन्ट फाइनान्सबाट करोडौं ठग्ने पवन कार्की पनि अमेरिकामा मस्ती गर्दै आएका छन् । अदालतले समेत दोषी ठहर गरिसकेका उनी डिपार्टमेन्ट स्टोर खोलेर बसेका छन् । आजको दृष्टि साप्ताहिकमा खबर छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon