 |
काठमाडौं । बीबीसी नेपाली सेवाको जागिरबाट राजिनामा दिएर राजनीतिमा उत्रिएका सम्पादक रविन्द्र मिश्रसँग टिममा को–को छन् त भन्ने प्रश्नले धेरैलाई कौतुहलता जागेको छ । मंगलबार मात्रै उनले एक विज्ञप्ति जारी गर्दै बीबीसी नेपाली सेवाको जागिरबाट राजीनामा दिएको र नयाँ पार्टी खोल्ने घोषणा गरेका हुन् ।
रविन्द्र मिश्रको टिममा उनलाई धरैजसो गैरराजनीतिक पृष्ठभुमिबाट आएका व्यक्तिहरुले साथ दिने भएका छन् ।
पूर्वसचिव किशोर थापा, पत्रकार अजयभद्र खनाल, चिकित्सक सरोज धिताल, इन्जिनियर सुर्यराज आचार्य, अधिवक्ताहरू ओमप्रकाश अर्याल र निरूपमा यादवले रविन्द्र मिश्रलाई साथ दिने भएका छन् ।
उनले अबका दिनमा पूर्णकालिन र सक्रिय राजनीतिमा होमिने बताउँदै नेपाली राजनीतिको फोहर सफा गर्ने उदेश्यका साथ परोपकारी मनका साथ आफु राजनीतिमा होमिएको बताएका छन् ।
किशोर थापा निजामति सेवामा लामो समयको अनुभव भएका व्यक्ति हुन् । उनले सहरी विकास मन्त्रालयको सचिवबाट अवकास पाएका थिए ।
यस बाहेक नायक राजेश हमाल, डा. गोविन्द केसी लगायतसँग पनि मिश्रले आफ्नो पार्टीमा रहेर काम छलफल र अनुरोध गरिहेका छन् ।
डा. सरोज धिताल काठमाडौं मोडल अस्पतालमा कार्यरत छन् । उनी २०४६ साल ताका तत्कालीन नेकपा मालेमा आबद्ध भएर भूमिगत जीवन बिताएका थिए । त्यसपछि राजनीति छोडी पुर्णकालिन जागिरमा लागेका थिए ।
राजनीतिक पृष्ठभुमि भएका पहिले माओवादीसँग नजिक भएका र बाबुराम भट्टराईको नयाँ शक्तिमा पनि काम गरेका मुमाराम खनालले मिश्रलाई साथ दिने भएका छन् ।
यस्तै कतिपय पार्टीमा सहभागि हुन सकारात्मक अनुहारहरु सरकारी पद धारणसमेत गरेका व्यक्ति समेत रहेको र उनीहरुलाई सरकारी सेवा त्याग्न लगाएर पार्टीमा कसरी समाहित गराउने भनि छलफल चलिरहेको स्रोतको भनाई छ ।
स्रोतका अनुसार विभिन्न भ्रष्टाचारविरोधी संघसंस्थाहरु पनि मिश्रको पार्टीमा ‘मर्ज’ हुने सम्भावना रहेको छ। मिश्रकै सहयोगमा यसअघि ‘म नेपाली’, ‘नागरिक समूह’ लगायत संघसंस्थाहरु अस्तित्वमा रहेको चर्चा थियो ।
मिश्र पार्टी गठनका लागि केही दिन भित्रमै देश दौडाहामा निस्कने तयारीमा छन् । यसविचमा धेरै मानिसहरुसँग छलफल र अन्तक्रिया पश्चात आफ्नो पार्टीमा रहनेको नाम सार्वजनिक गर्ने तयारीमा उनी रहेका छन् ।
तत्कालका लागि देशका हरेक टोल–टोलमा कम्तिमा ७ जना समूह निर्माणका गरेर अभियान चलाउने र त्यसैलाई संगठनको आकार दिएर अघि बढ्ने मिश्रको भनाई छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon