 |
काठमाडौँ, ३ फागुन, आजका दैनिक पत्रपत्रिकाहरुमा कहाँ–कहाँ र के–कस्ता रोजगारीका अवसरहरु खुले साथै रोजगारीसँगसम्बन्धित समाचारहरू यहाँ प्रस्तुत गरेका छौँ ।
(१)
शिक्षक सेवा आयोगले गत भदौ ११ गते लिएको निम्नमाध्यमिक तह तृतीय श्रेणीको स्थायी शिक्षकको लिखित परीक्षाको नतिजा आज सार्वजनिक गरेको छ । आयोगले पूर्वाञ्चल, मध्यमाञ्चल (दलित महिला बाहेक), मध्यपश्चिमाञ्चल र सुदूरपश्चिमाञ्चलको अङ्ग्रेजी विषयको नतिजा सार्वजनिक गरेको छ । यसैगरी सामाजिक विषयको मध्यमाञ्चलको पनि नतिजा सार्वजनिक गरेको छ । लिखित परीक्षामा सामेल भइ उत्तीर्ण सम्बन्धित विषयका परीक्षार्थीहरुको अन्तर्वार्ता यही फागुन १८ देखि २२ गतेसम्म संचालन गर्ने पनि आयोगले जनाएको छ । आफ्नो अन्तर्वार्ताको मिति कहिले पर्यो हेर्नकोलागि आजको गोरखापत्र वा आयोगको वेभसाइटमा जानुहोला ।
(२)
नेपाल आयल निगम लिमिटेडले गत कार्तिक २८ गते लिएको वरिष्ठ सहायक (ल्याब), वरिष्ठ सहायक (कम्प्युटर), सहायक (मिस्त्री) मेकानिकल पदहरुको लिखित परीक्षाको परीक्षाफल आज प्रकाशित गरेको छ । लिखित परीक्षामा उत्तीर्ण परीक्षार्थीहरुको अन्तर्वार्ताको मिति, समय र स्थान पछि प्रकाशन गरिने निगमले जनाएको छ । यो सूचना पनि आजको गोरखापत्रमा प्रकाशित छ ।
(३)
कर्णाली शिक्षालयका ९० प्रतिशत जनशक्ति रोजगार शीर्षकमा आजको गोरखापत्रले अर्को समाचार प्रकाशित गरेको छ । देशकै जेठो प्राविधिक शिक्षालय जुम्लाबाट उत्पादन भएका ९० प्रतिशत जनशक्ति रोजगार भएका छन् । २०३७ सालमा स्थापना भएको कर्णाली प्राविधिक शिक्षालयमा २०७२ सालसम्ममा ३ हजार ४ सय जनशक्ति उत्पादन भएको र ती मध्ये ९० प्रतिशतले रोजगारी पाएको शिक्षालयले जनाएको छ । यहाँ प्राविधिक तह टीएसएलसी र डिप्लोमा गरी दुई तहको पढाइ हुने गरेको छ । जसअन्तर्गत टीएसएलसीतर्फ सीएमए, अनमी, जेटीए तथा सव ओभरसियर र डिप्लोमातर्फ आईएस्सीएजी, ओभरसियरको अध्ययन हुने गरेको छ ।
(४)
बजार प्रवद्र्धनमा रुचि र अनुभव भएकालाई कान्तिपुर दैनिकले रोजगारी खुलाएको छ । पब्लिकेशनको व्यवसाय प्रवद्र्धन गर्न महिला पुरुषको माग गरेको छ । जसअन्तर्गत काठमाडौँमा १०० जना, विराटनगरमा ३० जना, भरतपुरमा ५० जना, पोखरामा ५० जना र नेपालगञ्जमा ३० जनाको माग गरेको छ । यो विज्ञापनमा फागुन १५ गतेभित्र दरखास्त दिन सकिने जनाइएको छ ।
(५)
विश्वविद्यालय अनुदान आयोगले डाइरेक्टर र प्रोग्राम अफिसर पदमा रोजगारी खुलाएको छ । १र१ जना माग गरिएका सो पदमा इच्छुक र योग्य उम्मेद्वारले यही फागुन १७ गतेभित्र दरखास्त दिन सकिने जनाइएको छ । कान्तिपुर दैनिकमा आज प्रकाशित विज्ञापन अनुसार डाइरेक्टर पदमा पीएचडी गरेका र न्यूनतम ५ वर्ष अनुभव भएकाले दरखास्त दिन सक्नेछन् भने प्रोग्राम अफिसर पदमा न्यूनतम दोस्रो श्रेणीमा स्नातकोत्तर पास भएको र दुई वर्षको अनुभव भएकाले अवसर पाउने छन् ।
(६)
रमण कन्स्ट्रक्सले विभिन्न १० पदमा रोजगारीको अवसर सिर्जना गरेको छ । प्रोजेक्ट म्यानेजर ५ जना, चिफ अपरेटिङ अफिसर्स २ जना, सिनियर कर्पोरेट एकान्ट ५ जना, बिजिनेस एनालिष्ट २ जना, साइट इन्जिनियर १० जना, सर्भेयर १० जना, मेकानिक्स १० जना, ल्याब टेक्निसियन ५ जना, क्वालिटी कन्ट्रोल इन्जिनियर २ जना र जेसिबी ब्याकहोल अपरेटर, ड्राइभरलगायतका पदमा १५ जनाको माग गरेको हो । यी पदहरुको विस्तृत विवरण आजको कान्तिपुर दैनिकमा हेर्नुहोला ।
(७)
तुल्सीभक्त कन्स्ट्रक्सन प्रा.लि.ले पनि प्रोजेक्ट म्यानेजर २ जना, साइट इन्जिनियर ३ जना, फ्रन्ट डेक्स्क अफिसर वा अफिस सेक्रेटरी २ जना, ह्याबी, लाइट ड्राइभर ४ जना र सेक्युरिटी गार्ड ४ जनाको माग गरेको छ । यी पदहरुमा मार्च १५ भित्र दरखास्त दिन सकिने कम्पनीले जनाएको छ । यो विज्ञापन आजको कान्तिपुर दैनिकमा छापिएको छ ।
(८)
सेभ द चिल्ड्रेनले सिनियर सीआरजी एण्ड चाइल्ड प्रोटेक्सन कोअर्डिनेटर–चाइल्ड पार्टिसिपेसन एण्ड एकाउन्टेबिलिटी मेकानिजम पदमा १ जना र सेल्टर कम्युनिटी मोबिलाइजेसन अफिसरमा १ जना को माग गरेको छ । यी पदहरुमा फेब्रुअरी २१ भित्रमा दरखास्त दिन सकिने जनाइएको छ । विस्तृत विवरण आजको कान्तिपुरमा हेर्नुहोला ।
(९)
हेल्थ रिसर्च एण्ड सोसियल डेभलपमेन्ट फोरम (एचइआरडी) ले कन्सल्टेन्ट– पे फर पर्फर्मेन्स र कन्सल्टेन्ट – चाइल्डहुड टिबी पदमा जनशक्ति माग गर्दै आजको कान्तिपुरमा विज्ञापन प्रकाशित गरेको छ । यी पदहरुमा फेब्रुअरी १९ भित्र दरखास्त दिन सकिने जनाइएको छ ।
(१०)
भेन्टेज क्यासिनोज एण्ड इन्टरटेन्मेन्टले विभिन्न ११ पदमा जनशक्ति माग गरेको छ । आजको कान्तिपुरमा विज्ञापन प्रकाशित गर्दै जेनेरल म्यानेजरदेखि जिआरओसम्मको आवश्यकता रहेको जनाएको हो । ती पदहरुमा इच्छुकले मार्च ७ भित्र दरखास्त दिन सकिने पनि जनाइएको छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon