 |
फाल्गुन २, २०७३- अमेरिकाको होमल्याण्ड सेक्यूरिटी एजेन्सीले गैरकानुनी आप्रवासीहरुलाई पक्राउ सुरु गरेको छ । गएको साता मात्र छ सय जनलाई विभिन्न ११ राज्यमा पक्राउ गरिएको अधिकारीहरुले जनाएका छन् ।
द न्यूयोर्क टाइम्सका अनुसार न्यूयोर्क सीटी क्षेत्रमा मात्र ४० जनालाई पक्राउ गरिएको कानुन कार्यन्वयनमा खटिएका अधिकारीहरुले उल्लेख गरेको जनाएको छ । यद्यपी गैरकानुनी र अपराधिक कार्यमा सजाय तोकिएका अप्रवासीहरुलाई खोजी गर्ने कार्य नियमित हो वा राष्ट्रपति डोनल्ड ट्रम्प प्रशासनले अघि बढाएको हो भन्ने कुरा खुल्न नसकेको टाइम्सले जनाएको छ ।
राष्ट्रपति ट्रम्पले भने गएको रात ट्वीटर मार्फत गैरकानुनी अपराधीहरुमाथि गरिएको धरपकट आफ्नो चुनावी अभियानकै कार्यन्वयन उल्लेख गर्दै ग्याङ सदस्यहरु, लागु पदार्थका कारोबारी र अन्यलाई हटाइने उल्लेख गरेका थिए ।
तर, होमल्याण्ड सेक्यूरी विभागका कामु सञ्चार सचिव गिलानी क्रिस्टेनसनले भने कारवाहीलाई नियमित कार्य उल्लेख गरेको जनाएको छ । यद्यपी आप्रवासी समुदायमा भने यस कारवाहीले डर पैदा गरेको उल्लेख गरिएको छ ।
अमेरिकामा यसरी गैरकानुनी आप्रवासीहरुलाई पक्राउ गर्ने र फिर्ता पठाउने गरिएको यो पहिलो होइन । यसअघिका राष्ट्रपति वाराक ओवामाको प्रशासनले पनि सन् २०१२ मा ४ लाख ९ हजार ८ सय ४९ लाई फिर्ता पठाएको बताइएको छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon