 |
फाल्गुन १८, २०७३- बलिउडकी ‘क्वीन’ कंगना रनावत फिल्ममा जति बोल्ड भूमिकामा देखिन्छिन्, वास्तविकतामा पनि उस्तै हक्की स्वभावकी छन् । गैरफिल्मी परिवारकी कंगनाले ठूलै संघर्ष गरेर यति बेला आफूलाई बलिउडमा अग्रपंक्तिकी नायिकाका रूपमा स्थापित गराउन सफल भएकी छन् । तीन पटककी नेसनल अवार्ड विजेता उनी बलिउडमा सर्वाधिक पारिश्रमिक लिने नायिकामा पनि पर्छिन् । उता, शाहरूख खानलाई बलिउडमा ‘किङ खान’ उपमा दिइन्छ । हालैको एउटा टक सोमा भने बलिउड क्वीनले किङ खानका बारेमा निराशाजनक कुरा गरेकी छन् ।
‘कफी विथ करण’ मा कंगनालाई होस्ट करणले सोधेका थिए, ‘तपाईंलाई तीन खान शाहरूख, सलमान र आमिरमध्ये कोसँग काम गर्न बढी इच्छा छ ?’ खरो स्वभावकी कंगनाले प्रश्न भुइँमा खस्न नपाउँदै बिनासोचविचार कसैसँग पनि काम गर्ने इच्छा छैन भनेर ठाडो जवाफ दिएकी थिइन् । त्यो सो प्रसारण भएपछि शाहरूखका फ्यानहरूले कंगनासँग भडकए, सोसल मिडियामा आक्रोश पोखे ।
शाहरूखले भने कंगनाले त्यस्तो नभनेकी होलिन् भन्दै अनलाइनका समाचारप्रति अविश्वास प्रकट गरेका छन् । उनले भनेका छन्, ‘मलाई थाहा छैन, तपाईंहरूले अनलाइनमा आएका समाचार पढेर कत्तिको सत्य थाहा पाउनुभयो ।’ अझ केही अनलाइनले त शाहरूखले समेत कंगनाको भनाइपछि सँगै काम नगर्ने घोषणा गरेको दाबी गर्दै समाचार लेखेका थिए ।
अर्कातिर, यतिबेला सञ्जयलीला भन्सालीले आफ्नो नयाँ फिल्ममा शाहरूख र कंगनालाई जोडीका रूपमा उतार्न लागेको खबर पनि आएको छ । खबरलाई सत्य मान्ने हो भने सञ्जयले दुवैलाई अप्रोच गरेका थिए । उनले शाहरूखलाई दुइटा स्क्रिप्ट पढ्न पनि दिएका थिए ।
तीमध्ये एउटा स्क्रिप्टका लागि शाहरूख र प्रियंका चोपडालाई लिने कसरत भइरहेको छ भने अर्काका लागि कंगना तय भएको ठोकुवा गरिएको छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon