 |
गत सोमबार लन्डन उत्रिए लगत्तै उनी मिस यूके नेपालका ८ जना प्रतिष्पर्धीमाझ उपस्थित भइन् एम्पायर हलमा । २४ अगष्टमा नेपाल र्फकनुअघि प्रियंकाले मिस यूके नेपालका सुन्दरीहरुलाई कोरियोग्राफी र अन्य प्रशिक्षण दिनेछन् ।
'एकदम महत्वपूर्ण जिम्मेवारी लिएर आएकी छु, प्रेसर र उत्साह दुबै छ', ब्रेकमा एकछिन् फुर्सद निकालेकी उनले कान्तिपुरसंग भनिन्, 'हरेक सिक्वेन्स सिकाउने देखि स्टेज डेकोरेसन, लाइट, कस्टम सबैमा प्रशिक्षण चुनौतिपूर्ण पनि छ ।'
प्रतिष्पर्धीहरुलाई ओपनिङ राउण्डमा डान्स गराउने योजनाले त्यो पनि सिकाइरहेकी छिन् उनी ।
केही साताअघि मात्र अमेरिकामा 'मिस भुटान यूएसए' को कोरियोग्राफी गरेकी पि्रयंकालाई यो जिम्मेवारी नौलो भने होइन । उनको करिअर नै मिस टिन (२००५) बाट शुरु भएको थियो । केही महिनाअघि टेक्सास र लस एन्जलसमा पनि उनले फेसन शोको कोरियोग्राफी गर्ने जिम्मा लिएकी थिइन् । सन् २०१२ को 'मिस नेपाल यूएसए' मा पनि पि्रयंकाले त्यही भूमिका निर्वाह गरिन् ।
'पछिल्लो पटक मोडलिङमा पनि मेरो सक्रियता बढेको छ', उनले भनिन् ।
भर्खर अमेरिका घुमेर नेपाल फर्किएलगत्तै यूके आएकी पि्रयंका नेपालमा अति व्यस्त नायिका मानिन्छिन् । पि्रयंका सुन्दरीहरुमाझ रमाइरहंदा उनी अभिनित छक्का पन्जाको अफिसियल ट्रेलर सार्वजनिक भएको छ ।
२१ अगष्ट आइतबार सांझ एम्पायर बैंक्यूटिङ हल अल्डरसटमा ५ औं मिस यूके नेपाल २०१६ हुन लागेको हो । यसपटकको प्रतियोगितामा आठ जना सुन्दरीहरुअलिसा, मेघ्ना, कल्पना, टेनिसा, प्रशंसा, विभिया, सुनिता र आरती भिड्दैछन् । आयोजक शान्ति गुरुङले हालसम्म ट्यालेन्ट र ब्यूटी वीथ परपोज राउण्ड सम्पन्न भइसकेको जानकारी दिंदै तयारी अन्तिम चरणमा पुगेको बताइन् ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon