 |
भाद्र १३, २०७३- नजिकै राजधी बजार, पानी र विधुतलगायतका पर्याप्त अनुकुलताले धादिङ खण्डको पृथ्वीराजमार्ग विभिन्न उद्योगहरुको हव वन्दैछ । विशेष गरि राजधानीसंग जोडिएका गाविसहरुमा लाखौं देखि अरबौं लगानीका साना ठुला उद्योग व्यवसायहरु संचालनमा छन् भने कतिपय निर्माणाधिन छन् ।
राजधानीमा वातावरण प्रदुषणको कारण देखाई संचालन गर्न नदिईएका र भुकम्प पछि विस्थापित गरिएका साना ठुला उद्योगहरु नौवसे, थाक्रे, जीवनपुर, छत्रेदेउरालीमा धमाधम खुल्दैछन् । यस अघिनै स्थापना गरिएका १३ वटा ग्यास उद्योग, १८ वटा पेट्रोलपम्प, दुईटा औषधी उद्योग, एक दर्जन ईट्टा , कुखुरापालन, वंगुर पालन , दाना उद्योग, चुन ढुङ्गा उद्योग, आधा दर्जन रिसोर्ट, ठुला होटलहरु वाहेक हो ।
नेपालकै सवै भन्दा ठुलो लगानी र वढी क्षमताको युनाइटेड सिमेन्टले उद्योग नौविसेमा परिक्षण उत्पादन गरि रहेकोछ । केपी सिमेन्टले ३ वर्ष अघिदेखि नै उत्पादन शुरु गरिरहेको छ ।
उद्योगहरुको सूचीमा यस क्षेत्रमा विभिन्न जिल्लामा पछिल्लो समय साना देखि ठुला उद्योग व्यवसायमा लगानी गर्ने क्रम ह्वात्तै बढेको छ । स्थानीय सरोकारवालाको अनुगमन र व्यवसायीमा आएको सचेतनाले दर्ता गरेर मात्र उद्योग व्यवसाय सञ्चालन गर्ने प्रवृत्ति बढेको घरेलु तथा साना उद्योग विकास समिति धादिङका उद्योग अधिकृत विजयकुमार भट्टराईले बताए ।
जिल्लाभरका ६ हजार १६३ वटा साना तथा मझौला खाले उद्योग व्यवसायमा ९० करोड ९४ लाख ३३ हजार ५३६ रुपैयाँ लगानी भएको उनले जानकारी दिए । सञ्चालनमा रहेका उद्योग व्यवसायमा १३ सय ७६ महिला र ३४ सय ६८ पुरुष कामदारले रोजगारी पाएका छन् ।
आर्थिक वर्ष ०७२ र ७३ मा उद्योग दर्ता तथा नवीकरण र पूँजी वृद्धिबाट ४८ लाख २७ हजार ६८० रुपैयाँ र वाणिज्य दर्ता तथा नवीकरण र पूँजी वृद्धिबाट ३३ लाख ९५ हजार ७८५ रुपैयाा गरी ८२ लाख २३ हजार ४६५ रुपैयाँ राजस्व संकलन भएको भट्टराईले बताए ।
गत आवमा वाणिज्यतर्फ ३८९ फर्म दर्ता, २५३ नवीकरण र ६३ फर्मको पूँजी वृद्धि भएको छ । उद्योगतर्फ ५८१ वटा फर्म दर्ता, १४० वटा फर्म नवीकरण र २४ वटा फर्मको पूँजी वृद्धि गरेको छ ।
जिल्लामा ५० क्रसर उद्योग, ६९ वटा फिरफिरे (बालुवा प्रशोधन गर्ने) ३१ इट्टा उद्योग सञ्चालनमा छन् । ब्लक उद्योग र इट्टा उद्योग दर्ता गर्ने क्रम भूकम्पपछि ह्वात्तै बढेको छ । पछिल्लो समय कृषकहरूले पनि कृषि तथा पशुपालन फर्महरू दर्ता गर्ने क्रम बढेको उद्योग अधिकृत भट्टराईले बताए ।
जिल्लामा दर्ता भएर संचालनमा आएका र वन्द भएका, राजधानीमा दर्ता भै यस जिल्लामा संञ्चालित कलकारखाना र उद्योगहरुको सूची कसैसंग पनि छैन । जिल्ला विकास, जिल्ला घरेलु तथा साना उद्योग विकास समितिले जिल्लामै दर्ता भएका मात्रै सूची राखेका छन् । कुन गाविसमा के के उत्पादन गर्ने उद्योग संचालनमा छन् ? यस्को तथ्याङ्क कसैसंग छैन ।
गाविसको सामान्य सिफारिस र नक्कली सर्जिमिन, नक्कली वातावरणीय अध्ययन पेश गरि अधिकांस उद्योग संचालनमा छन् । वस्ती र राजमार्ग नजिकै ग्यास रिफिल सेन्टरहरु, वस्ती छेउमै सिमेन्ट उद्योगहरु, ग्यास उद्योगसगै पेट्रोल पम्पहरु मापदण्ड विपरित छन् ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon