 |
भाद्र १४, २०७३- गुन्डा नाइके दिपक मनाङे र उनका सहयोगी राजनकुमार सिंहलाई काठमाडौं जिल्ला अदालतले पुर्पक्षका लागि थुनामा पठाएको छ ।
अपहरणको धम्की दिंदै जबर्जस्ती रकम असुलेको अभियोगमा पक्राउ परेका मनाङेलाई अतिरिक्त न्यायाधीश ऋषिकेश वाग्लेको एकल इजलाशले मंगलबार पुर्पक्षका लागि थुनामा पठाउने आदेश दिएको हो ।
एक व्यापारीलाई धम्क्याएर ५० हजार रुपैयाँ लिएको अभियोगमा महानगरीय प्रहरी परिसर काठमाडौंले उनलाई असार १८ मा पक्राउ गरेको थियो । मनाङेसहित ५ जना घटनामा संलग्न रहेको भन्दै प्रहरीले अपहरण तथा शरीर बन्धक उद्योग र संगठित अपराध ऐन अनुसारको अभियोगमा अनुसन्धान गरेको थियो ।
प्रहरीले अनुसन्धान सकाएर प्रस्तावित रायमा संगठित अपराधको अभियोग समेत लगाए पनि जिल्ला न्यायाधिवक्ताको कार्यालयले भने मनाङेमाथि अपहरण उद्योगमा मात्रै दण्ड जरिवानाको माग दाबी गर्दै अभियोग पत्र दर्ता गरेको थियो ।
मंगलबार अपहरण उद्योगमा धरौटीमा छाड्ने कि थुनामा पठाएर मुद्धा प्रकृया अगाडि बढाउने भन्ने बहसमा अदालतले मनाङेका कानुन व्यवसायीको माग विपरीत पुर्पक्षका लागि थुनामा पठाउने आदेश दिएको हो । प्रहरीले मनाङेको सहयोगी दाबी गरेका सुशील मनाङे, ज्याक गुरुङ र शनि गुरुङ भने पक्राउ परेका छैनन् ।
दर्जनौं आपराधिक अभियोग लाग्ने गरे पनि अधिकांश अभियोगमा धरौटीमा छुट्दै आएका मनाङेको यो तेस्रो जेल यात्रा हो । यस अघि उनी सार्वजनिक अपराधको अभियोगमा १ वर्ष जेल बसेका थिए । आपराधिक गतिविधिबाट १४ करोड रुपैयाँ कमाएको मुद्धामा धरौटी नबुझाई तीन महिना जेल बसेका उनी धरौटी बुझाएर मुक्त भएका थिए ।
अदालतको आदेशपछि उनलाई डिल्लीबजार कारागार लगिएको छ । डिल्लीबजार उनको प्रिय कारागार हो । यसअघिका सबै कैद सजाय उनले सोही जेलमा कटाएका थिए ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon