 |
भाद्र १३, २०७३- आइतबार राति हङकङबाट आएको नेपाल वायु सेवा निगमको एयरबस पछाडिको पाङग्रा अवतरणका बेला पन्चर भएपछि जहाज ग्राउन्डेड भएको छ ।
नाइनएन– एकके डब्लु कल साइन भएको विमान ग्राउन्डेड भएपछि निगमले सोमबार दिल्ली, मुम्बई, बैंककका उडान रद्द गरेको छ ।
निगम स्रोतका अनुसार उक्त विमानको पछाडीपट्टी दायाँ भागमा रहेका दुईमध्ये एउटा पाङ्ग्रा कामै नलाग्ने गरी ब्रस्ट (पन्चर) भएको छ । अवतरणका बेला धावनमार्गमा भएको पन्चर राति मात्रै प्राविधिकहरुले थाहा पाएका थिए । ‘यात्रु सबै ओलिएसकेपछि पाङग्रामा चक लगाउने हेल्परले रिपोर्ट गरेको थियो,’ स्रोतले भन्यो ।
सोमबार विहान निगमले नीजी कम्पनी हिमालय एयरलाइन्सबाट एउटा पाङग्रा सापटी लिई हालेको छ । तर, विमान भने उडाइएको छैन । ‘एयरबसका इन्जिनियरहरुले प्रमाणीकरण गरेपछि मात्रै विमान उड्ने छ,’ स्रोतले भन्यो ।
यो विमानको एउटा पाङग्राको कम्तीमा पनि १७ हजार ५सय डलर मूल्य पर्छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon