 |
भाद्र १३, २०७३- दक्षिण एसियाली फुटबल महासंघको हालै श्रीलंकामा बसेको बैठकले आठ टिमको अन्तरक्लब प्रतियोगिता सुरु गर्ने निर्णय गरेको छ । तर यसबारे अन्तिम निर्णय भने भइसकेको छैन । प्रस्तावित प्रतियोगितामा दक्षिण एसियाका सात देशका आठ क्लबको सहभागिता हुनेछ ।
साफ क्लब कप नाम दिइने प्रतियोगितामा प्रत्येक देशका लिग विजेताले भाग लिनेछन् । प्रतियोगिताको आयोजकले थप एक टिम उतार्न पाउनेछ । प्रतियोगिताबाट अन्तिम निर्णय दुई सातामा हुने श्रीलंकाली मिडियाले आइतबार जनाएका छन् । बैठकले आउने साफ च्याम्पियनसिपको मिति भने तय गरेको छ ।
बंगलादेशको ढाकामा हुने १२ औं संस्करणको प्रतियोगिता सन् २०१७ को डिसेम्बर २५ देखि जनवरी ५ सम्म हुनेछ । साफ च्याम्पियनसिप बंगलादेशमा हुने यसअघि नै तय भइसके पनि अहिले मिति मात्र निश्चित भएको हो । त्यस प्रतियोगितामा अफगानिस्तानले अन्तिम पटक भाग लिने अथवा नलिने भनेर भने तय भएको छैन ।
अफगानिस्तानले दक्षिण एसिया छाडेर केन्द्रीय क्षेत्र रोजेको छ । त्यसको निर्णय अब भारतको गोवामा हुने तय भएको महासंघको अर्को बैठकले गर्नेछ । त्यसै बैठकले महिलाको साफ च्याम्पियनसिप, साफ यू–१६ र यू–१९ आयोजना हुने स्थान र मिति तय गर्ने बताइएको छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon