 |
रुपन्देही १३ भाद्र- नेकपा माओवादी केन्द्रका नेता एंव पूर्वअर्थमन्त्री बर्षमान पुन अनन्तले संविधान कार्यान्वयनका लागि संविधान संसोधनमा एमालेलाई सहयोग गर्न आग्रह गरेका छन् ।
उनले मधेशबादी दल र केहि समुदायले सिमाङकनको बिषयमा चित्त नबुझाएकाले त्यसलाई सम्बोधन गर्न संविधान संसोधन जरुरी रहेको बताए ।
बुटवलमा भएको प्रदेश नम्बर ५ को सचिवस्तरीय बैठकपछि सोमबार प्रेस सेन्टर नेपालले आयोजना गरेको पत्रकार सम्मेलनमा नेता पुनले प्रचण्ड नेतृत्वको सरकार संविधान संसोधन गरेर संविधानको कार्यान्वयनमा लाग्ने बताए ।
‘संविधानको कार्यान्वयनका लागि मेजर पार्टी मिल्नैपर्छ’ उनले भने –‘त्यसको लागि एमालेले अहिले प्रतिपक्षमा बसेको भएपनि संविधान संसोधनमा सघाउनुपर्छ ।’
सिमांकनको बिषयमा मधेशबादी दलहरुको चित्त नबुझेकाले संविधान संसोधन गर्नुपरेको उनले प्रष्ट्याए । संविधानको कार्यान्वयन, पर्नुनिर्माण र शान्तिप्रक्रियालाई टुङगोमा पु¥याउन मुख्य पार्टी जहाँ भएपनि मिल्नुपर्ने उनले बताए ।
नेता पुनले माओवादी अहिले स्थानीय तहको संरचनाका बारेमा पार्टीमा छलफल अगाडि बढाएको बताए । उनले स्थानीय तह ८ सय देखि १ हजारको बिचमा बनाउन उपयुक्त हुने बताए ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon