 |
विराटनगर स्थित विराटनगर दुग्ध वितरण आयोजनामा रहेको नेपालकै एक मात्र पाउडर प्लान्टको क्षमता विस्तार गर्ने कार्य शुरु गरिएको छ । राजधानी काठमाडौंको दुध अभाव हटाउन पाउडर प्लान्टको क्षमता दोब्बर बनाउन लागिएको विराटनगर दुग्ध वितरण आयोजनाले जनाएको छ ।
कृषि विकास मंत्रालयले दुध पाउडर प्लान्टका लागि ७ करोड रुपैयाँ उपलब्ध गराएपछि पाउडर प्लान्टको क्षमता अब ३ मेट्रिक टनबाट बढेर ६ मेट्रिक टन पुग्नेछ । अहिले सो प्लान्टबाट दैनिक ३० हजार लिटर दुधबाट ३ मेट्रिक टन पाउडर दुध उत्पादन हँुदै आएको छ । राजधानी काठमाडांैमा वार्षिक १४ सय मेट्रिक टन पाउडर दुध आवश्यक हँुदै आएकोमा विराटनगरबाट ५ सय मेट्रिक टन मात्र आपूर्ति हुने गरेको थियो । प्लान्ट निर्माणको कार्य शुरु भईसकेको र यसै आर्थिक वर्ष भित्रमा निर्माण सम्पन्न गरिने विराटनगर दुग्ध वितरण आयोजनाका प्रमुख ईश्वरीराज न्यौपानेले जानकारी दिनुभयो ।
पाउडर प्लान्टको क्षमता विस्तार पछि दुध संकलन गर्ने क्षेत्र पनि बढाइने सो कार्यालयले जनाएको छ । विराटनगर दुग्ध वितरण आयोजनाले पूर्वको पाँचथर, इलाम, तेह्रथुम, धनकुटा, झापा, मोरङ र सप्तरीबाट दुध संकलन गर्ने गरेकोमा बिजुली र यातायात सुविधा पुगेमा ताप्लेजुङ, उदयपुर, संखुवासभा र भोजपुर जिल्लाबाट समेत दुध संकलन गरिनेछ । दुग्ध वितरण आयोजनाले पूर्वका ७ वटा जिल्लाबाट दैनिक ४० देखि ४५ हजार लिटर दुध संकलन गर्ने गरेको छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon