 |
खेलमा हार जित हुनु स्वभाविक हो । तर पनि खेलमा भाग लिएका जुनसुकै खेलाडीको लक्ष्य पनि जित नै हो । तर खेलमा सबै विजेता बन्न असम्भव छ नै । खेलमा पराजित खेलाडीहरुले पनि ढाडस र हौसला पाउछन आगामी खेलका लागि । तर उत्तर कोरियामा भने हौसला नभई सजाय पाएका छन् । आफ्ना क्रुर कर्महरुले विश्वभर नै बदनामी कमाइरहेका उत्तर कोरियाली साशस किम जोङले ओलम्पिकमा पदक नजितेको भन्दै पदक जित्न नसकेका खेलाडीहरुको कठोर दण्ड दिने तयारी थालेका छन् ।
रियो ओलम्पिकमा सहभागी दुई सय ४ राष्ट्र मध्ये ७८ राष्ट्रले पदक जित्यो । अमेरिकाले सवार्धिक १२१ वटा पदक जित्दा उत्तर कोरियाको छिमेकी शत्रु दक्षिण कोरियाले ९ स्वर्ण, तीन कास्य र ९ रजत जित्दा उत्तर कोरियाले भने मात्र दुई स्वर्ण, तीन रजत र दुई कास्य जित्यो । तर उत्तर कोरियाबाट सहभागी धेरै खेलाडीले रियोबाट रित्तो हात फर्किन बाध्य भए । रित्तो हात फर्कन बाध्य खेलाडीहरुसंग एकातिर पदक जित्न नसक्नुको पीडा कायम रहदा अर्को पीडा पनि थपिएको छ राज्यबाट । उत्तर कोरियाका शासक किम जोङले रियो ओलम्पिकमा पदक नजित्ने खेलाडीलाई कडा कारवाही हुने बताएपछि रियो ओलम्पियन खेलाडीहरुको यतिखेर थप तनावमा छन् । किम जोङले रियो ओलम्पिकमा पदक नजित्ने सबै खेलाडीलाई कोइला खानीमा काम गर्न पठाइदिनु भन्ने आदेश दिएपछि खेलाडीहरुको अवस्था दयनीय बनेको छ । यत्तिमात्र नभई उनले पदक नजित्ने खेलाडीको रासन कार्ड पनि रद्ध गर्न आदेश दिएका छन् ।
किमले पदक नजितेको झोकमा खेलाडीलाई मात्र नभई खेलाडीका परिवारलाई पनि कोइला खानीमा काम गर्न लगाउने तयारी गरेका छन् । रियो ओलम्पिकमा उत्तर कोरियाली खेलाडीले २ स्वर्ण मात्र जिते । यता रियोमा उत्तर कोरियालाई स्वर्ण दिलाएकी एक जिम्न्याष्ट हान्ग युन जुङसँग दक्षिण कोरियाली खेलाडीले सेल्फी लिएकी थिइन् । दुश्मन देशको खेलाडीसँग सेल्फी खिचेको आरोपमा हान्गलाई नसोचिएको कारवाही हुने सम्भावना पनि त्यतिकै प्रवल बनेको छ । जसले गर्दा समग्रमा रियो ओलम्पिक २०१६ उत्तर कोरियाको लागी भने नखाएको विष सरह बनीरहेको छ । सन् २०१० को विश्व कप फुटबलमा उत्तर कोरियाली टिम पहिलो चरणबाट बाहिरिएपछि सबै खेलाडीले कडा सजाय पाएका थिए । फुटबल टिमका सबै खेलाडीलाई मजदुरीको लागि कोइला खानीमा पठाइएको थियो । एउटा साशकको सनकले त्यस देशका नागरिकले कुन हदसम्म सास्ती भोग्नु पर्छ, यो धेरैले धेरैको इतिहासमा लेखेका छन् । उत्तर कोरियाली साशकको यो उपद्रोको पनि इतिहासका बदनाम अध्यायहरुमा लेखिने नै छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon