 |
तमोर नदी किनारमा माछा मारेर वजारमा विक्री गर्दै गुजारा चलाउँदै आएका पाँचथर र तेह«थुमका स्थित तमोर नदी किनारमा वसोवास गर्दै आएका माझीहरु यो वर्ष समस्यामा छन ।
२७ जेठमा उत्तरी ताप्लेजुङका विभिन्न गाविसमा एकैसाथ गएको पहिरो पश्चात तमोरमा आएको वाढीले तमोरका वगाएपछि पछिल्लो समय जाल र वल्छीमा माछा नपर्दा उनीहरु समस्यामा परेका हुन ।
”पहिले – पहिले यो सिजनमा एक जनाले दैनिक ५ देखि १० किलो माछा माथ्र्यौ,तर यसपालि खोलामा माछा मासिएकाले दिनभरी खट्दा वेलुका तरकारी खाने पनि पुग्दैन तेह«थुम सिम्ले ३ सिम्राघाटका प्रकाश माझी भन्छन । तमोर नदी किनारमा पर्ने पाँचथरको अमरपुर ९ पिनासीघाट, नक्कलेघाट फिदिम र भारपाको संगममा पर्ने माझीटारसँगै तेह«थुम र पाँचथरको सिमानामा पर्ने सिम्राघाट र लुमुघाटमा गरी करिव एकसय पचास माझीहरु वसोवास गर्दै आएका छन ।
यहाँका माझीहरु मध्ये अधिकांशको व्यवसाय माछा मारेर विक्री गर्नु नै हो । उनीहरुले मारेका माछा मध्ये केहि ग्राहक घर–घरमा गएर खरिद गर्छन भने केहि माझीहरुले पाँचथरको फिदिम र तेह«थुमको म्याङलुङसँगै नजिकका वजारसम्म लगेर विक्री गरी आर्जन भएको पैसाले दैनिक उपभोग्य सामग्री खरिद गर्नु उनीहरुकोे दिनचर्या हो ।
“यो वर्ष आएको वाढीले तमोरका माछासँगै हाम्रो रोजिरोटी पनि वगाएर लग्यो ।”– भारपा ९ माझिटारका बीरवहादुर माझी भन्छन । विगत वर्ष दिनभरीमा पाँचदेखि सात किलोसम्म माछा मर्ने दोभानमा वाढी पश्चात एककिलो पनि पर्न छोडेपछि विभिन्न घाटमा वस्ने माझीहरुले माछा मार्ने जाल,थकौली र वल्छी थन्क्याएको पनि उनले वताए ।
वाढीमा तमोरका सवैखाले प्रजाती वगेका कारण पहिलेकै अवस्थामा फर्कन करिव तीनवर्ष माझीहरु वताउछन । परापुर्व कालवाटै यी घाटमा वसोवास गर्दै आएका माभीहरु केहि समय अगाडीसम्म माछा मार्नसँगै तमोरमा डुंगा मार्फत मान्छे तार्ने काम गर्थे पछिल्ला वर्षहरुमा माझीटार,नक्कले,सिम्रा,पिनासी र लुमु सहित अधिकांस घाटमा पुल वनेपछि उनीहरुको पुख्र्यौली व्यवसायमा धक्का लाग्न थालेको माझीटारकै जसवहादुर माझी वताँउछन ।
पछिल्लो समय यी घाटका अधिकांस स्थानमा मोटरवाटो समेत जोडिएको छ । विकास निर्माणसँगै विगतमा दुर्गम रहेका माझीवस्ती र तमोर गड्तीरमा माछा मार्न गैर माझीहरु पुग्न थालेपछि आफ्नो व्यवसाय थप जोखिममा परेको माझीहरुको प्रतिकृया छ । “तमोर घाट्का माझीहरुको आफ्नै जग्गा जमिन छैन,वर्षाभर दुःख गरेर फलाएको अन्न साहुले आधा लगिदिन्छन,पुल वनेपछि नाऊ थन्क्याँयौं,वाढीले माछा पनि सवै लगिदिए अव हामी के गरी वच्ने ?”–सबहादुरले भने । यहि अवस्था जारी रहे माझीपनि क्रमशः लोप हुने अवस्थामा पुग्यौं । तसर्थ राज्यले पनि हाम्रा हितमा हुने कार्यक्रम ल्याउनु जरुरी छ ।–जसवहादुरले थपे ।
जेठ २७ गते उत्तरी ताप्लेजुङका सान्थाक्रा, थिङलावु,लिङतेप,सान्थाक्रा, लिंखिम र लिवाङमा गाविसहमा पहिरो जाँदा ३८ जनाको ज्यान जानुका साथै १९ जना वेपत्ता भएका छन । ती गाविसमा गएको पहिरो गएपछि थुनिएको तमोर नदी खुल्दा तमोर नदीमा वाढी आएको थियो । वाढीका समयमा स्थानीयले सयौं टन माछा समातेर डोको,झोला,ट्याक्टर र ढकार मार्फत वजारसम्म पु¥याएका थिए । त्यसताका वाढि आउनु अघिल्लो दिनसम्म प्रतिकेजि ७ सयमा विक्री भएको माछा वाढी वाढीले मारेपछि वजारमा स्थानीयले एकसय पचास रुपैंया प्रतिकेजीमा किनवेच भयो । आजकल प्रतिकेजी हजारका दरले खरिद गर्छौ भन्दा पनि भेटिन छोड्यो फिदिम स्थित होटल अजिमाका सञ्चालक विमल श्रेष्ठ भन्छन ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon