 |
नेपालले नेदरल्याण्डलाई उसकै भूमिमा घुँडा टेकाउनुको ७ कारण यस्ता छन्:
१. कप्तान पारसको कप्तानी पारी
पहिलो खेलमा नेदरल्याण्डसँग सात विकेटले हार्दा कप्तान पारस खड्का गोल्डेन डकआउट भएका थिए । त्यसैले दोस्रो खेलमा उनले राम्रो मात्र खेलेनन्, उत्कृष्ट खेले र नेपालको जितको आधार तयार पारे । ब्याटिंग र बलिगंमा दुवैमा उनी जम्दा नेपालले जितको आधार खडा गर्यो । ब्याटिंगमा पारसले ९४ बलमा ८४ रनको महत्वपूर्ण पारी खेले । सागर पुनसँग एक सय बढी रनको साझेदारी गरे । यो नै नेपालको जितको सबैभन्दा महत्वपूर्ण पक्ष बन्यो । साथै, पारसले सुरुका महत्वपूर्ण दुई विकेट पनि आफ्नो नाममा लेखाए ।
२. सागर पुन र ज्ञानेन्द्र मल्लको योगदान
ज्ञानेन्द्र मल्लले ३९ रन र पारससँग मिलेर सागरले ४५ रन बनाउनु नेपालको अर्को महत्वपूर्ण कारण बन्न पुग्यो । पहिलो खेलमा स्तर अनुसारको पनि खेल नखेली ९४ रनमा अलआउट हुनुको दुःखद् पीडा पनि नेपाली खेलाडीमा थियो तसर्थ दोस्रो खेलमा सबै खेलाडीले राम्रो र प्रभावकारी खेल देखाए ।
३. सबै खेलाडीले विकेट लिनु
२१८ रनको औसत लक्ष्य दिएको नेपालले ६ जना बलरलाई बलिंग गरायो । रोचक पक्ष के रह्यो भने ६ जानै बलरले नेपालको लागि विकेट निकाले । सोमपाल कामी, पारस खड्का र वसन्त रेग्मीले समान दुई विकेट लिए । शक्ति गौचन, सागर पुन र सन्दिप लामिछानेले पनि समान एकएक विकेट लिएर हात खाली गरेनन् । सन्दिपले ९ ओभरमा ४८ रन खर्चंदै ५.३ को औसतमा बलिग गर्दै केही महंगो सावित देखिए पनि अरु खेलाडीले ५ भन्दा मुनी नै औसत रनरेटमा बलिंग गरे ।
४. कमजोर हारले बदलाको भावना
विश्व क्रिकेट लिगको लिडर टोली नेदरल्याण्ड सहभागी देशमा सबैभन्दा अगाडि रहेको थियो । बलियो डच टोलीले पहिलो खेलमा आफ्नै भूमिमा नेपाललाई ९४ रनमै समेट्दै १६.५ ओभरमै नेपाललाई ७ विकेटले पराजित गरेपछि नेपाली टोली दुखी र खिन्नमात्र थिएन तनावमै परेको थियो । किनकी विश्वकै महत्वपूर्ण देशलाई तर्साइसकेको नेपालले आफ्नो स्तरभन्दा पनि कमजोर खेल्दै एक सय रन पनि बनाउन नसक्दा खेलाडीमा अर्को खेलमा साह्रै नै बदलाको भावना जागेको थियो । त्यसैले दोस्रो खेलमा आयोजक डच टोलीलाई उसकै मैदानमा नेपाली टोलीले धूलो चटाएरै छाड्यो ।
५. डचले ब्याटिंगमा नेपाललाई बोलाएदा फाइदा
डच टोलीले टस जितेर नेपाललाई ब्याटिंगको निम्ति पहिले बोलाउनु पनि नेपालको लागि फाइदाको विषय हुन पुग्यो । पछि रन पछ्यानुपरेको भए दबाबमा आएर खेल्नुपर्दा हार्ने सम्भावना हुने भएकोले पहिले ब्याटिंग गर्दा नेपाल दबाबमा नआइकन खेल्न पुग्यो र, मध्यम २१८ रनको चुनौति दिंदा पनि जित्न सफल भयो । पहिलो खेलमा ९४ रनमा नेपाली टोलीलाई रोकेको डचले दोसा्रे खेलमा पनि यस्तै हुन्छ भन्ने सोच पनि त्यो इतिहास काम लागेन ।
६. डचको जित्नका लागि हतारो
अन्तिममा रनरेट माथि नै भए पनि ठूला सट खेल्दा जित्न सकिन्छ । तर, डच टोलीले १९३ बाट ५ रन जोड्दा अन्तिमका ४ विकेट गुमाएर पूरै बल खेल्न नपाउनु पनि नेपालको लागि जितका लागि कारण बन्यो । ९ बल अगावै डच टोली अलआउट हुन पुग्यो । छिटो जित्ने धुनमा र रनरेट बढ्दै जाँदा अत्तालिए। नेपालले १९ रनले जित्न पुग्यो ।
७. पार्टनरसिपको फाइदा
पारस र सागरले चौथो विकेटका लागि ११८ रनको पार्टनरसिप गर्नु नेपालको लागि जितको महत्वपूर्ण आधार बन्यो । तर, डच टोलीको ठूलो पार्टनरसिप चौथो विकेटका लागि ८२ रनको मात्रै भयो ।
नेपाल ८ मध्ये छैटौं स्थानमा
यो लिग खेल्ने ८ टिममा ८ वटा खेल खेलेको नेपालले तीन खेल जित्दै ६ अंक बनाएर छैटौं स्थानमा छ । पहिलो स्थानमा नेदरल्याण्ड ८ खेलबाटै १२ अंक जोड्न सफल भएको छ । हगंकगं, स्कटल्याण्ड, पपुपान्युगिनी र केन्या क्रमशः नेपालभन्दा अघि छन् । समान ६ अंक भए पनि ६ खेल खेलेको केन्याको पनि नेपाल जत्तिकै ६ अंक छ । अब उसले दुवै खेल हारे नेपालभन्दा रनरेटमा पछि पर्न सक्छ । नेपालले पपुपा न्युगिनी र स्कटल्याण्डसँग दुई दुई खेल नै गुमाएको थियो । तर, गत वैशाखमा काठमाडौंमा भएको दुवै खेलमा नामिबियालाई हराएको थियो । नेपालले अब युएई, हगंकगं र केन्यासँग खेल्न बाँकी छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon