 |
राष्ट्रपति विद्यादेवी भण्डारीले बहुमतीय प्रक्रिया सुरु गरेसँगै नेकमा माओवादी केन्द्रका अध्यक्ष प्रचण्ड साउन १९ गते नेपालको ३९ औं प्रधानमन्त्री बन्ने सुनिश्चित भएको छ ।
प्रचण्डलाई मधेशी मोर्चाले सशर्त मतदान गर्नेः यस्तो छ शर्त
आफ्नै ८२ सिट रहेको माओवादीलाई २०७ सिट रहेको कांग्रेससहित मधेसी मोर्चा, राप्रपा, फोरम लाकतान्त्रिकसहितका १७ दलले सहयो गर्ने भएपछि प्रचण्ड दोस्रो पटक प्रधानमन्त्री बन्ने स्पष्ट भएको हो । अब संसद सचिवालयको निर्वाचन समिति मंगलबार प्रधानमन्त्रीका लागि उम्मेदवार दर्ता गर्ने, नाम फिर्ता गर्ने र अन्तिम नामावली प्रकाशन गरी १९ साउनमा प्रधानमन्त्री चयन गर्ने तालिकाको कामलाई अघि बढाएको छ ।
प्रचण्डलाई सहयोग गर्ने दल १७ वटा देखिएका छन् । जसमा ३६४ मत पुग्ने देखिन्छ । अहिलेको व्यवस्थापिका संसदमा जम्मा ५९४ सांसद छन् ।
राष्ट्र्रपति भण्डारीको एक पत्रले बदलियो माहौल
बहुमतबाट प्रधानमन्त्री बन्न २९८ मत आवश्यक पर्छन । तर, प्रचण्डलाई समर्थन गर्ने १७ दलको सिट संख्या जोड्दा ३६४ पुग्छ । यो मत भनेको व्यवस्थापिका संसदमा झण्डै दुई तिहाई हो । उता प्रधानमन्त्री ओलीको पक्षमा ७ दलको २२२ मत देखिन्छ । तर, राप्रपा नेपाललाई पनि माओवादी कांग्रेसले सरकारमा ल्याउन फकाइरहेका छन् । २५ सिट भएको कमल थापा नेतृ्तवको राप्रपाले पनि साथ छोडे एमालेले उसको आफ्नै बाहेक, माले, राजमो, नेपकिपा, नेपाल परिवार दल र बहुजन शक्ति पार्टीको मात्र समर्थन रहने बुझिएको छ ।
एमालेको उम्मेदवार टुगो लाग्न बाँकिः सुवासको सम्भावना
प्रचण्डलाई झण्डै झण्डै दुई तिहाई पुग्दै गर्दा एमाले उनलाई सर्वसम्मत हुने दिने मनस्थितिमा छैन । उसले आफ्नो दलको तर्फबाट पनि उम्मेदवारी दिने तयारी गरेको छ । तर, कसलाई उम्मेदवार बनाउने भन्ने टुंगो छैन । पूर्व सभामुख एवं वर्तमान एमाले संसदीय दलका उपनेता सुवास नेम्वाङ, नेता वामदेव गौतम र राजमोका अध्यक्ष चित्रबहादुर केसीसम्मलाई प्रधानमन्त्रीको उम्मेदवार बनाइने चर्चा छ ।
यसरी अघि बढ्दै आयो सरकारको खेल
असारको अन्तिम साता माओवादी र कांग्रेसबीच सात बुँदे सहमति भएपछि यी दुई दलले सरकारविरुद्ध अविश्वास प्रस्ताव दर्ता गराएका थिए । तर, प्रधानमन्त्री केपी ओलीले आफू अल्पमतमा परेपछि पदबाट राजीनामा दिंदै नयाँ सरकारको लागि बाटो खोलिदिएका थिए । तर, बाटो खोल्दा ओलीले संविधानको धारा २९८ ले सरकार गठन गर्न नसक्ने भन्दै राष्ट्रपतिबाट बाधा अड्काउ फुकाउ गरेर जानुपर्ने उतै सिफारिस गरेको थियो । त्यसपछि राष्ट्रपतिले बाधा अड्काउ खोलेरे सहमतिको आधारमा सरकार गठन आह्वान गरेकी थिइन् ।
तर, अविश्वासको प्रस्तावले विभाजित माननसिकतामा पुगेका कांग्रेस, माओवादी–एमाले सहमतीय समयमा सरकारको लागि छलफल गर्नसमेत तयार भएनन् । सहमति नभएपछि राष्ट्रपतिले सोमबार बहुमतीय प्रक्रियाको आरम्भ गरेकी हुन् ।
अब संसदको निर्वाचन समितिले निर्वाचनसम्बन्धी काम थालिसकेको छ । मंगलबार उम्मेदवारी दर्ता, फिर्ता र नामावली प्रकाशन गरेपछि १९ गते प्रधानमन्त्रीको चुनाव हुँदैछ । झण्डै दुई तिहाई मत पुग्न लागेका प्रचण्ड प्रधानमन्त्री बन्ने पक्का भएको हो । प्रचण्ड पहिलो संविधानसभा चुनावपछि पनि ठूलो दलको रुपमा पहिलोचोटी प्रधानमन्त्री बनेका थिए । बुधबार प्रधानमन्त्री चुनिएपछि बिहीबार राष्ट्रपति विद्यादेवी भण्डारीबाट सपथ लिने कार्यक्रम छ । सरकारमा कांग्रेसले १२ र माओवादीले ८ मन्त्रालय पाउने सहमति भएको बुझिएको छ ।
सरकारमा सहमति संविधानमा समस्या
माओवादी कांग्रेसबीच भएको सहमति अनुसार आउँदो चैतसम्म स्थानीय चुनाव माओवादी नेतृत्वको सरकारले गराएर सरकार छोड्ने भन्ने छ । त्यसपछि कांग्रेसबाट शेरबहादुर देउवा प्रधानमन्त्री बन्ने र उनको सरकारले प्रदेश र केन्द्रीय संसदको चुनाव गर्ने सहमति छ । तर, यसबीचमा स्थानियपालिका, प्रदेशको सीमाकंन, नामाकंन, सदुरमुकामको नामको विषयमा दलहरुबीच तीव्र विवाद हुने देखिएको छ । सरकारमा प्रचण्डलाई समर्थन गर्न आए पनि मधेस केन्द्रित दलहरु संविधानका मुद्दामा अझै पनि माओवादी र कांग्रेसँग दुरीमा नै छन् ।
प्रचण्डलाई १७ दलको ३६४ मत
कांग्रेस २०७
माओवादी केन्द्र ८२
संघीय समाजवादी फोरम १५
फोरम लोकतान्त्रिक १४
राष्ट्रिय प्रजातन्त्र पार्टी १२
तराई मधेस लोकतान्त्रिक पार्टीका ११
सद्भावना ६
नेकपा संयुक्त ३
तमसपा ३
रामसपा ३
थरुहट तराई पार्टी नेपाल २
संघीय लोकतान्त्रिक राष्ट्रिय मञ्च थरुहट १
समाजवादी जनता पार्टी १
नेपाल जनता दल १
फोरम गणतान्त्रिक १
नेपाः राष्ट्रिय पार्टी १
नेपाल सद्भावना पार्टी १
एमाले उम्मेदवारको पक्षमा ७ दलको २२२ सिट
एमाले १८२
राष्ट्रिय प्रजातन्त्र पार्टी नेपाल २५
नेकपा माले ५
नेमकिपा ४
राष्ट्रिय जनमोर्चा ३
नेपाल परिवार दल २
बहुजन शक्ति पार्टी १
यी दल अनिर्णित छन्
राष्ट्रिय जनमुक्ति पार्टी (लोकतान्त्रिक) नेपाल २ सिट र एक एक सिट भएका अखण्ड नेपाल पार्टी , खम्बुवान राष्ट्रिय मोर्चा नेपाल, जनजागरण पार्टी नेपाल, दलित जनजाति पार्टी, नेपाल मधेस समता पार्टी नेपालसहितका एकदुई सिट भएका दल कतै खुलेका छैनन् । तर,पनि यी दलले पनि प्रचण्डलाई नै समर्थन गर्ने बुझिएको छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon