 |
मुलुकको एकमात्र भव्य र सभ्य शहर मानिन्छ ः काठमाडौलाई । राजधानी , महानगरपालिका , प्राचीन शहर लगायत धेरै उपमा छन यस्को नामका अघि । तर सम्पन्नताबीच दरिद्रता प्रदर्शन गर्न विवश यो शहर । राजधानीवासीको सुविधाका नाममा बनाइएका धेरै संरचनाहरु छन पनि यहाँ । तर कुशल कालीगढको हातमा नपरेजस्तो गरी कुँदिएका छन् यहाँका सबै संरचनाहरु । अस्तव्यस्त, अलास तलास र बेसुरको तालमा ।
काठमाडौं
दृश्य १ । तारको गुजुल्टो ।
शहरमा विद्युतका तारहरु यत्रतत्र यसरी नै तन्काइएका छन् । कागका गुँड झैं लाग्ने तार शीरभन्दा केही भित्ता माथि मात्र गुजल्टिएका छन् । विद्युत सर्ट भएर हुने क्षति त छँदैछ, त्यो भन्दा बढी यसले काठमाडौंलाई राजधानी नभई लाजधानी बनाउन उद्दत छ । सुन्दर शहर कुरुप मुहार ।
दृश्य २ । धुलो र खाल्डाखुल्डी सडक ।
महानगरको सडकको अवस्था पनि उस्तै छ । कच्ची सडकका के कुरा ? कालोपत्रे सडक पनि घाउ खटिराले थलिएको जस्तो खाल्डाखुल्डी छन् जताजतै । लामो समयसम्म टिक्दैनन् नै, सुधारका लागि यतातिर कसैको ध्यान पनि जाँदैन । अस्तव्यस्त ट्राफिक जामले सडक पार गर्न पनि मुस्किल पर्दछ यात्रुहरुलाई । उडेको र उडिरहने धुवा र धुलोले काठमाडौंलाई विश्वकै प्रमुख प्रदुषित शहरको उपमा जो भिराएकै छ ।
दृश्य ३ । रंगीन भित्ताहरु ।
विज्ञापनको सबैभन्दा सस्तो माध्यम बनेको छ महानगरको भित्ता । विरोध र विचारका शब्दहरु जताततै पोतिन्छन्, विज्ञापनका अनेक होर्डिङ् वोर्डहरु ठोक्किन्छन् हरेक आँखामा । कोरिने, मेटिने र पुनः कोरिने यी भित्ताहरुले कुरुप काठमाडौको परिचयमा थप सौन्द्धर्य थपिरहेका छन् ।
शहरलाई सुन्दर बनाउन जति राज्यको दायित्व छ, नागरिक पनि कम जिम्मेवार भने छैनन् । तर यहाँ यस्तो छ ।
महानगरलाई व्यवस्थित र सुन्दर बनाउने योजना महानगरपालिकाको पनि नभएको होइन, तर उसंग उमंग र उत्साह भन्दा बाध्यता बोझ बढी छ ।
एकीकृत विकास, दीर्घकालीन सोंच र रणनीतिको अभावका कारण जति पनि विकास निर्माणका कामहरु भएका छन्, विज्ञहरुको भनाइमा भन्ने हो भने ती प्रतिवेदन उतार्नका लागि मात्र गरेजस्तो भएका छन् । जसको परिणाम कुरुप र कच्चा भैरहेको छ काठमाडौ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon