 |
यस कम्पनीका महाप्रवन्धक बालकृष्ण श्रेष्ठका अनुसार, हुम्लामा सेना, प्रहरी र स्थानियको सहयोगमा जहाजको खोजी भइरहेको छ । ‘घटना भएकै ठाउमा जहाज छैन । नदीले बगाइसकेको छ । धमिलोपानीमा केही देखिदैन, कठिनाई भइरहेको छ,’ महाप्रवन्धक श्रेष्ठले भने । उनका अनुसार, नदीमा खोजी जारी नै छ । मकालुले एउटा इन्जिनको सानो ढक्कन र क्याप्टेन साङगे लामाको फलाइट ब्यागमात्रै घटना भएको स्थानदेखि केही मिटर तल फेला परेको बताएको छ । श्रेष्ठले आइतबार साँझसम्म यी दुई बस्तुबाहेक अरु केही नभेटिएको कान्तिपुरसँग बताए । जहाजको खोजी कार्यका लागि एउटा हेलिकप्टर पनि त्यस क्षेत्रमा परिचालन गरिएको छ । यसअघि गत बुधबार नागरिक उड्डयन प्राधिकरणको टोली पनि हुम्ला पुगेको थियो । हेलिकप्टरमा गएको उक्त टोलीले पनि जहाजको खोजी गरेको थियो ।
सुर्खेतबाट कार्गो बोकेर हुम्ला गएको यो विमान बिहीबार दिउसो पौने चार बजे रित्तै फर्किर्दै थियो । करिब ११ हजार ५ सय फिटको उचाईमा उडिरहेकाबेला एकल इन्जिन मात्रै भएको विमानमा समस्या देखियो । सिमीकोट विमानस्थलबाट करिब १६ किलोमिटर दक्षिणमा पुगेकाबेला इन्जिननै एक्कासी बन्द भएपछि चालकदलले जहाज ग्लाइड गरेर पखेटाको सहारामा कर्णाली नदीमा फोर्स ल्याण्डिङ्ग गराएका थिए । जहाजलाई पाइलटले पानीको अतिप्रवाह भएको ठाउमा फोर्स ल्याण्ड गर्दै उफ्रिएर ज्यान जोगाएका थिए ।
अमेरिकामा बनेको यो सेस्ना २०८ ग्रान्ड क्याराभान जहाज हो । यस्को तौल २३ सय ३६ किलोग्राम हाराहारी हुन्छ । नौ जना यात्रु बोक्ने यो विमानको लम्बाई १२ दशमलव ६७ मिटर रहेको छ । करिब १२ करोड रुपैया मूल्य बराबरको यो विमान गत बिहीबार हुम्लाबाट सुर्खेतकालागी उडिरहेकाबेला इन्जिनमा एक्कासी खराबी आएपछी क्याप्टेन साङगे लामा र कोपाइलट प्रशान्त शाहले डाइभर्ट गरी कर्णाली नदीमा फोर्स ल्याण्डिङ्ग गराएका थिए । यसैबिच यो विमान विमा गर्ने शिखर इन्स्युरेन्स कम्पनीले आइतबार एक जना सर्भेयरलाई हुम्लातर्फ पठाएको छ ।
यो जहाज दुर्घटनामा परेपछी मकालुसँग यस्तै प्रकारको एउटा मात्रै विमान बाँकी रहेको छ । मकालुमा जस्तै एयर काष्टमण्डपको एकल इन्जिन भएको विमानमा खराबी देखापरेपछि गत फागुन १४ गते कालिकोटको चिल्खयामा दुर्घटनामा परेको थियो । उक्त दुर्घटनामा ९ जना यात्रु बाँच्न सफल भएका थिए भने चालकदलका दुई सदस्य क्याप्टेन दिनेश न्यौपाने र कोपाइलट सन्तोष रानाको मृत्यु भएको थियो । उक्त जहाजबारे दुर्घटनाको कारण पत्ता लगाउन गठित जाँच आयोगले सरकारलाई प्रतिवेदन बुझाइ नसकेको अवस्थामा फेरि अर्को एकल इन्जिन भएको जहाज दुर्घटनामा परेको छ । यसबारे हालसम्म छानविन आयोग गठन भइसकेको छैन ।
मकालु एयरको विमानबारे तथ्य :
यात्रु क्षमता : नेपालमा ९ जना, १४ जना सम्म बोक्न मिल्ने
जहाजको तौल : २३३६ किलोग्राम
जहाजले बोक्ने लोड : १३५० किलोग्राम ( यात्रु तथा कार्गो)
जहाजको लम्बाई : १२ दशमलव ६७ मिटर
अधिकतम क्रुज गती : ३६१ किलोमिटर प्रति घन्टा
अधिकतम रेन्ज : १७८५ किलोमिटर
अधिकतम उचाई : २५ हजार फिट
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon