अमृता केसी, बाँकेमा दाइजो नल्याएको निहूँमा फेरि एक महिलामाथि कुटपिट गरिएको छ । मुलुकभरि नै घरेलु हिंसा विरुद्ध जनचेतना जगाउन सरकारी र गैरसरकारी संस्थाहरु सक्रिय भइरहँदा बाँकेको नेपालगंजमा दाइजो नल्याएको भन्दै एक महिला माथि कुटपिट भएको हो ।
नेपालगन्ज उप महानगरपालिका वडा नम्बर १९ बालेगाउँकी १८ वर्षिया आसरुन जोलहालाई दाइजो नल्याएको भन्दै उनका श्रीमान, सासु, ससुरा र श्रीमानको काका पर्ने नसिम जोलहाले कुटपिट गरी गम्भीर घाइते बनाएका आसरुनका माइती पक्षले बताएका छन् । कुटपिटबाट उनका दुबै आँखामा गहिरो चोट लागेको छ ।
साउन २३ गते कुटपिटबाट गम्भीर घाइते भएकी आसरुनको नेपालगन्ज मेडिकल कलेज नेपालगन्जमा उपचार भइरहेको जिल्ला प्रहरी कार्यालय बाँकेले जनाएको छ । दुई वर्ष अघि मागी विवाह भएको आसरुनलाई पटक–पटक दाइजो नल्याएको भन्दै घरमा श्रीमान, सासु र सुसुराले कुटपिट गर्ने गरेका थिए । पटक पटक लाखौं रकम माग्दै आएका उनका परिवारले दाइजो नल्याए अरु व्यक्तिसंग विवाह गराइदिने भन्दै कुटपिट गरेका हुन् । आसरुनलाई कुटपिट गर्ने उनका श्रीमान २४ वर्षीय वसिम जोलहा, उनकी सासु बाबादैया जोलहालाई जिल्ला प्रहरी कार्यालय बाँकेले आफ्नो नियन्त्रणमा लिएको छ । कुटपिटमा संलग्न ससुरा सब्बिर जोलहा र काका नसिम जोलहा भने फरार रहेको प्रहरीले जनाएको छ । असरुनलाई उनका श्रीमानका काका नसिरले २०७१ सालमा मागी विवाह गराइदिएका थिए । तर अहिलेसम्म पनि माइतीले दाइजो नदिएपछि उनलाई मारिदिन श्रीमान, सासु र ससुरालाई काका नसिमले उचालेको पीडित असरुनले बताइन् । विगत ४ महिना देखि आफूलाई कुटपिट गरिरहेको उनको भनाइ छ ।
यस अघि साउन २० गते पनि असरुनलाई उनका परिवारले कुटपिट गरेपछि जिल्ला प्रहरी कार्यालयमा आइन्दा यस्तो नगर्ने प्रतिबद्धता जनाउँदै माफी मागेपछि मिलापत्र भएको थियो । मिलापत्र भएकै दिन श्रीमानले आफ्नो ज्यान लिने भन्दै मोटरसाइकलले खुट्टामा ठक्कर दिएको पनि पीडितले बताइन् । असरुनलाई पुनः कुटपिट गरी सक्त घाइते बनाएपछि ज्यान मार्ने उद्योगमा प्रतिवादी विरुद्ध मुद्धा दर्ता गरिएको असरुनका माईती परिवारले जनाएका छन् ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon