 |
श्रावण २५, २०७३- फिस्टेल एयरको हेलिकप्टर दुर्घटनाको कारण पत्ता लगाउन सरकारले मंगलबार चार सदस्यीय दुर्घटना जाँच आयोग गठन गरेको छ ।
संस्कृति पर्यटन तथा नागरिक उड्डयन मन्त्रालयका प्रवक्ता घनश्याम उपाध्यायका अनुसार, हवाई विभागका पूर्व महानिर्देशक हरिभक्त श्रेष्ठको अध्यक्षतामा आयोग गठन गरिएको छ । श्रेष्ठ हाल निष्कृय रहेको निजी एयरलायन्स बीबी एयरवेजमा आवद्ध छन् । उनको नेतृत्वले तीन महिनाभित्र प्रतिवेदन पेस गर्नु पर्ने छ । यस्ले भविष्यमा यस्ता दुर्घटना हुन नदिने सुझावसहित तथ्यहरु पत्ता लगाउनु पर्ने छ ।
गोरखाको फिलिमबाट ६ जना यात्रु बोकेर काठमाडौं आउँदै गरेको फिस्टेलको हेलिकप्टर सोमबार काठमाडौं विमानस्थलदेखि करिब १८ किलोमिटर उत्तरपश्चिममा रहेको नुवाकोटको बेतिनीमा दुर्घटनामा परेको थियो । उक्त दुर्घटनामा सवार ६ यात्रुसहित ७ जनाको घटनास्थलमै मृत्यु भएको थियो । दुर्घटना स्थल करिब १ घन्टापछिमात्रै फेला परेको थियो ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon