 |
लियोनेल मेसी, लुइस स्वारेज, हाभियर मास्केरानो जस्ता खेलाडीलाई पहिलो सेटमै उतारेको बार्सिलोनाविरुद्ध लिभरपुलले १५ औं मिनेटमै अग्रता लिएको थियो । साउथह्याम्पटनबाट ३ करोड ४० लाख पाउन्डमा आएका साडियो मानेले एडम ललानाको पासमा लिभरपुलको खाता खोलेका थिए ।
मध्यान्तरपछि लिभरपुलले ३ मिनेटको अन्तरमा दुई गोल गरेको थियो । ४७औं मिनेटमा जोर्डन हेन्डरसनको प्रहार क्लियर गर्नेक्रममा मास्केरानोले आत्मघाती गोल गर्न पुगे । त्यसको एक मिनेटपछि डिभोक ओरिजीले काउन्टर एट्याकमा गोल गरे । ३ गोलले पछाडी परेको सयममा बार्सिलोनाले नियमीत कप्तान एन्ड्रेज इनिस्टा, जेरार्ड पिके, इभान राक्टिक जस्ता खेलाडी उतारे पनि लिभरपुलको अगाडी केही लागेन् ।
मार्को गुरुजिकले अन्तिम मिनेटमा हेडबाट लिभरपुलका लागि चौथो गोल गरे । लिभरपुल स्ट्राइकर डानियल स्टुरिज बिना उत्रेको थियो । उनी सहित घाइते खेलाडीको सुचिमा जेम्स मिल्नर पनि थपिएका छन् । शनिबारको खेलमा लिभरपुलको कप्तानी गरेका मिल्नर पहिलो हाफमै चोटका कारण मैदान छाडेपछि उनको स्थान अल्बर्टो मोरेनोले लिएका थिए ।
वेम्बली रंगशालामा ८९ हजार ८ सय ४५ दर्शकले खेल हेरेका थिए । ९० हजार दर्शक क्षमता भएको वेम्बलीमा दोस्रो सवैभन्दा बढी दर्शक उपस्थित भएका हुन् । टिकट मुल्य न्युनतम ३० पाउन्ड तोकिएको खेल आफुले ८५ पाउन्ड दर भएको टिकट काटेर हेरेको लन्डनमा बस्दै आएका काठमाडौंका जय पौडेलले बताए । लिभरपुल-बार्सिलोना बीचको यस खेलको टिकट ३ महिना अगाडी अनलाइनबाट बिक्रीमा राखिएको २ घन्टापछि नै सकिएको थियो ।
लिभरपुलले आइतबार नै जर्मनीको मेन्जसँग प्रि सिजनको अन्तिम खेल खेल्ने छ । एकदिन अघि बार्सिलोनासँग खेलेका भएकाले लिभरपुलले त्यसमा दोस्रो रोजाइका खेलाडीलाई उतार्ने छ । लिभरपुलले आउँदो आइतबार आर्सनलसँग इमिरेट्समा खेलेर प्रिमियर लिगको सुरुआत गर्दैछ ।
स्पेनिस च्याम्पियन बार्सिलोनाले बेलायत भ्रमणमा सेल्टिक र लेस्टरसँग प्रभावशाली विजय हात पारे पनि लिभरपुलविरुद्ध आफ्नो पहिचान देखाउन सकेन् । ब्राजिलीयन स्ट्राइकर नेयमार ओलम्पिक टोलीमा रहेकाले उनी बार्सिलोनाको टोलीमा थिएनन् ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon