 |
कम्पनीका महाप्रबन्धक प्रफुल्लचन्द्र दासले ४ ई–कारमध्ये २ वटा पहाडी क्षेत्र र राजधानीमा परीक्षणका लागि पठाएको बताए । उनले बाँकी २ वटालाई तराई क्षेत्रको परीक्षणमा पठाइएको जनाए ।
चीनबाट कच्चा पदार्थ आयात गरी निर्माण गरिएका ई–कारको मूल्य बढीमा १४ लाख ३० हजारसम्म रहेको कम्पनीले जनाएको छ । ५ जनासम्मले यात्रा गर्न सक्ने ई–कारमा एसी, पावर लक, पावर स्टेरिङ, पावर विन्डो र रिर्भस क्यामेराको सुविधा रहेको दासले बताए । कच्चा पदार्थ आयातमा सरकारले सुविधा दिएमा ई–कारको मूल्य अझै कम हुने कम्पनीको दाबी छ । कम्पनीले सरकारसँग कच्चा पदार्थ आयातमा भन्सार महसुल र अन्त:शुल्कमा सहुलियत माग गरेको दासले बताए ।
२०५१ सालदेखि तीनचक्के र चारचक्के यन्त्र उत्पादन गर्दै आएको यो कम्पनीले हुलास मुस्ताङ म्याक्स गाडीको उत्पादन गरेको थियो । उक्त गाडीले वातावरण प्रदूषण २०६९ को मापदण्ड पूरा गर्न नसकेपछि कम्पनीले २०७१ साउनदेखि यसको उत्पादन बन्द गरेको थियो । त्यसपछि चार्ज ब्याट्रीबाट चल्ने सिटी रिक्सा उत्पादनमा लागेको थियो ।
कम्पनीले हुलास शेर्पाको नाममा चारचक्के गाडी बजारमा ल्याएको थियो । सुरुवातीमा कम्पनीले हुलास शेर्पा २० डी, ३२ डी र ४६ डी बजारमा ल्यायो । महाप्रबन्धक दासका अनुसार सरकारले वातावरण प्रदूषणको प्रावधान ल्याएपछि २०५६ सालमा यसलाई मोडिफाई गरी हुलास शेर्पा ४६ डी एनएस इड्राइभ बजारमा ल्यायो । कम्पनीले यसलाई २०५९ मा मोडिफाई गरी हुलास मुस्ताङको उत्पादन सुरु गरेको हो ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon