 |
श्रावण २६, २०७३- काँग्रेस–माओवादीको सत्ता साझेदार र संघीय गठबन्धनबीच संविधान संशोधनका लागि सबै पक्षलाई मनाउने सहमति भएको बेला एमाले अध्यक्ष केपी ओलीले भने औचित्यको आधारमा मात्र संविधान संशोधन हुने बताएका छन् ।
'कसैले बाटो–बाटोमा संशोधन माग्दैमा संविधान संशोधन हुँदैन' निवर्तमान प्रधानमन्त्री ओलीले बुधबार पत्रकारहरुसंग पार्टी कार्यालय बल्खुमा भने, 'संविधानको संशोधन औचित्यको आधारमा हुन्छ । जस्ले मागे पनि जहिले पनि गरिने कुरा होइन ।'
माओवादी अध्यक्ष पुष्पकमल दाहाल र काँग्रेस सभापति शेरबहादुर देउवाले मधेसी मोर्चासहितको संघीय गठबन्धनलाई उनीहरुको माग संविधान संशोधनमार्फत पुरा गर्ने सहमति गरेका छन् । उक्त सहमति पछि प्रधानमन्त्रीमा गठबन्धनले दाहालको पक्षमा मतदान गरेको थियो ।
संविधान संशोधनका लागि प्रमुख प्रतिपक्षी एमालेको समेत सहमतिको आवश्यकता पर्दछ । ओली नेतृत्वको सरकारसंग पनि पहिले मधेसी मोर्चा र पछि संघीय गठबन्धनको तर्फबाट संविधान संशोधन गरेर प्रदेशहरुको सिमांकनलाई फेर्न माग गरेको थियो ।
ओलीले कसैलाई भोट हालेको वा कसैलाई भोट नहालेको विषयलाई लिएर पूर्वाग्रह भने नराखिने बताए । 'संविधानको संशोधन कस्ले कस्लाई भोट हाल्यो भनेर होइन, औचित्यका आधारमा हुन्छ' उनले थपे ।
हालै प्रधानमन्त्री दाहालले ओलीले ठूला ठूला सपना देखाएको तर, त्यसलाई पुरा गर्ने योजना र स्रोत भने परिचालन नगरेको भन्ने विषयको पनि प्रतिवाद गरेका छन् । 'मलाई विनम्रताका साथ सोधियो वा लिखित निवेदन दियो भने म स्रोत देखाइ दिन्छु ' उनले भने ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon