 |
हालै मानिसको खाने बानीमाथि ३२ हजार बयस्कमा ६ वर्षसम्म गरिएको अध्ययनको रिपोर्ट सार्वजनिक गरिएको थियो । उनीहरुमा आगामी ६ वर्षसम्म क्यान्सरको लक्षण देखिन्छ कि देखिदैंन भन्ने हेरिएको थियो । अध्ययनमा सामेल गरिएकामध्ये जसले रातो मासु छाडी सेतो मासु नियमित खाने गर्थे उनीहरुमा कोलोन क्यान्सर ३०० प्रतिशतले बढेको पाइएको थियो । तर, सिमी, केराउजस्ता तरकारी कम्तीमा पनि हप्ताको दुईपटक खानेहरुलाई क्यान्सरको खतरा यस्ता खाना कहिल्यै नखानेलाई भन्दा ५० प्रतिशत कम भएको पाइएको थियो ।
बिफमा जत्तिकै कोलेस्टेरोल चिकेनमा पनि पाइन्छ । बिफमा भन्दा ग्रिल्ड चिकेनमा क्यान्सर गराउने तत्व हेक्टेरोसाइक्लिक एमाइन्स (एचसिएज) बढी पाइन्छ । हालै न्युजिल्याण्डमा गरिएको अध्ययनमा पनि मासु, माछाभन्दा चिकेनमा एचसिएज बढी भएको पाइएको थियो । अध्ययनहरुका अनुसार मुटुका लागि चिकेन रातो मासुजत्तिकै खतरनाक हुन्छ । कोलेस्टेरोलका सन्दर्भमा रातो मासु छाडी सेतो मासु खानुको कुनै अर्थ छैन । यस्तै, प्रशोधित मासुजन्य ससेज, बेकन, हामजस्ता खाद्य पदार्थले पनि पेट क्यान्सरको खतरा बढाउँछ । यस्तै, अर्को अध्ययनले दैनिक ३० ग्रामका दरले प्रशोधित मासु खाने क्रम बढाउँदै लैजाने हो भने पेटको क्यान्सर हुने सम्भावना १५ देखि ३८ प्रतिशतले बढ्दै जान्छ
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon