 |
पर्वतमा टाईफाईड र भाईरलका बिरामीहरुको संख्या प्रत्येक दिन थपिदै गएको छ । जिल्ला स्वास्थ्य कार्यालयका प्रमुख डाक्टर फणिन्द्र बरालले जिल्ला अस्पताल पर्वत तथा गाउँ–गाउँमा रहेका स्वास्थ्य चौकीहरुमा टाईफाईड र भाईरलका बिरामी बढेको पाईएको बताउँनुभयो । उहाँले अहिले जिल्ला अस्पतालमा दैनिक आउने सरदर एक सय बिरामी मध्ये आधा भन्दा धेरै टाईफाईडका बिरामी भएको जानकारी दिनुभएको छ । साथै ३० प्रतिशत बिरामी भाईरल प्रभावित बिरामी जिल्ला अस्पतालमा आउने गरेको पनि बरालले बताउनुभयो । बर्षायामसँगै बढ्ने दुषित पानीबाट बिरामीहरु प्रभावित भएको उहाँको कथन छ । बर्षायामसँगै दुषित पानी र खानाको प्रयोगले टाईफाईडका बिरामीहरु समेत बढेको उहाँले जानकारी दिनुभयो ।
दुषित पानी र खाने कुराको प्रयोगले गर्दा हुने टाईफाईड र हावाबाट सर्ने प्रकोप भाईरल दुबै सरुवा रोग भएकोले बिरामीहरुले हेलचेक्र्याईँ गरे यसको प्रभाव अझै ठूलो हुनसक्ने सम्भावना रहेको डा. बरालले चेतावनी दिनुभयो । एक साता अघि फैलिएको टाईफाईड र भाईरलले समग्र जिल्लामा प्रभाव बढिरहेको स्थानीयहरुले बताएका छन् । स्थानीयवासिका अनुसार जिल्लाका ठुलीपोखरी, कार्किनेटा, फलेबास, शंकरपोखरी लगायतका एक दर्जन बढी गाबिसमा भाईरलको बिरामीको संख्या बढेको छ । सदरमुकाम आसपासमा भने टाईफाईडका बिरामीको संख्या ठूलो मात्रामा देखिएको छ । अहिले सम्म जिल्लामा पर्याप्त औषधी रहेको जिल्ला स्वास्थय कार्यालयले जनाएको छ । हल्का ज्वरो पछि बिरामीहरुलाई एक्कासी टाईफाईड हुने गरेको भेटिएको बताउनुभयो ।
भाईरल प्रभावितहरुमा ज्वरो आउने, टाउको दुख्ने, हल्का रुघा लाग्ने लगायतको समस्या देखिएको स्वास्थ्यकर्मीहरुको भनाई छ ।
भाईरलको कारण आत्तिई हाल्नु पर्ने अवस्था भने नरहेको चिकित्सकहरु बताउँछन् । यो समस्या बिस्तारै २ ,४ दिनमा आफैं ठिक हुने चिकित्सकहरुको कथन छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon