 |
श्रावण २४, २०७३- कोमल वलीको नृत्य सहितको पोई माग्ने तीज गीत । सिड्नी र क्यानबेराका ५ सय बढी महिलाहरुको सहभागिता तर पुरुषको प्रवेश भने निषेध । यसबर्ष सिड्नीको मुटु ग्रानभिलमा आयोजना गरिएको तीजको दरखाने कार्यक्रमको रौनकता अलग्गै थियो ।
महिलाहरुलाई तीजको अलग रौनक दिने उद्देश्यले अष्ट्रेलिया एनआरएनको महिला शाखा नारी निकुञ्जले आयोजना गरेको तीजको विशेषता नै अलग थियो । किनकी औपचारिक रुपमा कुनैपनि पुरुषलाई प्रवेश निषेध गरिएको थियो । महिलाहरुले एकदिन मात्र भएपनि आफ्नो चाडवाडलाई एकआपसमा खुलेर मनाउन पाउन भनेर यस किसिमको तीज कार्यक्रमको आयोजना गरिएको निकुञ्जकी सहसचिव सुधीरा शाहले बताइन् । जसमा रातो साडी, चोलो र गरगहनामा सजिएका महिलाहरुले कोमल वलीका गीतहरुसँग नृत्य गर्दै करिब ५ घण्टासम्म रमाएका थिए ।
निकुञ्जको उक्त कार्यक्रममा सहभागीता जनाउन आएकी कोमल वलीले करिब १ दर्जन तीजका गीतहरु सुनाएर सबैलाई नचाएकी थिइन् । उनले ‘पोई चाहियो भनेर गीत गाउने लाष्टै चोटी हो’ लगायतका गीतहरु सुनाउँदा रातो साडी र चोलोमा सजिएका महिलाहरुले नाचेर साथ दिएका थिए । सिड्नीको ग्रानभिलमा रहेको ब्लाउजा कम्युनिटी हल रातो साडीमा सजिएका महिलाहरुले नेपाली तीजमय बनाएका थिए । केही पत्रकार र खाना बाँड्ने पुरुष बाहेक महिलाहरु मात्र रहेको कार्यक्रममा वलीले आफ्ना तीजका गीतहरु सुनाउँदा ताली र वान्स मोर पाएकी थिइन् ।
नेपालका गरिब तथा असक्त महिलाहरुलाई सहयोग गर्दै आएको नारी निकुञ्जले यसबर्ष सीपमुलक तालिम दिएर सहयोग पुरयाउने उदेश्यले तीज कार्यक्रमको आयोजना गरेको अध्यक्ष सृजना संग्रौलाले बताईन् । निकुञ्जले प्रत्येक बर्ष तीज कार्यक्रम गर्दै आएको हो । स्थापनादेखि बिभिन्न सामाजिक र अन्य कार्यक्रमहरु मार्फत पाठेघर खस्ने समस्या भएका महिलाहरुका साथै दुर्गम भेगमा रहेका विपन्न महिलाहरुलाई सीपमुलक तालिम समेत निकुञ्जले प्रदान गर्दै आएको छ ।
निकुञ्जकी सचिव प्रतिज्ञा अधिकारीले दिएको जानकारी अनुसार केही समयपहिले नेपालका उद्दमी महिलाहरुसँग यसै क्षेत्रमा काम गर्नका लागि १० लाख बराबरको सम्झौता समेत भइसकेको छ । यही कार्यक्रमलाई अझ सफल बनाउन परोपकारी उदेश्यका साथ तीज कार्यक्रमको आयोजना गरिएको उनले जानकारी दिईन् । कार्यक्रममा संस्थालाई स्थापना गर्न महत्वपुर्ण भुमिका खेलेको भन्दै रञ्जु वाग्ले थापालाई सम्मान गरिएको थियो ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon