 |
नेपालगन्जस्थित गोल्डेन एबीसी विद्यालयले मिड्डी लगाएर नआएको बताउँदै विद्यार्थीलाई कक्षा प्रवेशमा रोक लगाएपछि विवाद चुलिएको छ । नेपालगन्ज ४ की मैयसा अन्सारी, सना शहजादी र सानिया खानलाई तोकिएको पोसाक नलगाएको बताउँदै सोमबार कक्षाबाट निकालियो ।
उनीहरूले विद्यालय पोसाकै रंगको कुर्ता सलवार लगाएका थिए । तर, नियम अटेर गरेको आरोप लगाउँदै कक्षामा बस्न दिइएन । उक्त विषय जिल्ला शिक्षा कार्यालयसम्म पुगे पनि समाधान भने निस्केको छैन ।
शिक्षा कार्यालयले सर्ट र मिड्डीमा मुस्लिम किशोरीलाई पढ्न जान समस्या भएर विद्यालय छाड्नु परेकोप्रति ध्यानाकर्षण भएको बताउँदै तोकिएको रंग बमोजिम कुर्ता–सलवार लगाउन छुट दिन निर्देशन गरेको छ । तर, संस्थागत विद्यालयले अडान नछाडेकाले विवाद बढेको हो ।
‘पोसाककै कारण हाम्रा छोरीलाई पढाइबाट वञ्चित गर्नु अन्याय हो । हाम्रो धर्म र संस्कारले स्कर्ट लगाउन मिल्दैन,’ मुस्लिम अभिभावक मोहम्मद अनिस हल्वाईले भने, ‘तोकिएको रंगको कुर्ता–सलवार लगाएर मुस्लिम किशोरीले पढ्न पाउनुपर्छ ।’ उक्त विद्यालयका प्रधानाध्यापक विकास ढकालले नियम सबैले अनिवार्य मान्नुपर्ने दाबी गरे । ‘मुख्य कुरा पढाइ हो । विद्यालयको धर्म हुँदैन,’ उनले भने, ‘हामीकहाँ सबै समुदायका बालबालिका पढ्छन् । उनीहरूलाई समान व्यवहार गर्नु हाम्रो दायित्व हो ।’
जिल्ला शिक्षा कार्यालयका उपसचिव गोर्खबहादुर थापाले विद्यालयले तोकेको रंगको पोसाक लगाएर विद्यार्थीहरू पढ्न जान पाउनुपर्ने बताए । पोसाककै कारण कुनै पनि बालबालिकालाई पढाइबाट वञ्चित गर्न नमिल्ने उनले बताए । ‘पोसाकका कारण पढाइबाट वञ्चित नगर्न लिखित निर्देशन दिइसकेका छौं,’ थापाले भने ।
संस्थागत विद्यालयहरूको संगठन एन–प्याब्सनले भने लागू गरिएको नियमलाई अभिभावक र विद्यार्थीले अनिवार्य मान्नुपर्ने बताएको छ । ‘विद्यालयको आफ्नो नियम हुन्छ । त्यसलाई विद्यार्थीले मान्नै पर्छ,’ एन–प्याब्सन जिल्ला अध्यक्ष कुवेर बस्नेतले भने ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon