 |
भाद्र १२, २०७३- दुई साता अघि चितवनको नारायणी नगरपालिकामा करेन्ट लगाएर गैंडा मारेको अभियोगमा पक्राउ परेका चार जनालाई पुर्पक्षका लागि थुनामा राख्न अदालतले आदेश दिएको छ ।
पक्राउ परेका ९ मध्ये एकलाई धरौटी र बाँकीलाई भने साधारण तारेखमा छाडिएको छ । थुनामा राख्न आदेश दिएकामध्ये दुई भारतीय छन् ।
नारायणी नगरपालिका– १ स्थित मेघौलीमा चौधरी ग्रुपले सञ्चालन गरेको होटल मेघौली सेराईका प्रबन्धक रितेश भट्ट, होटलका प्रकृति बिशेषज्ञ दिपु शशी, प्राविधिकहरु सुनिल महतो र जीवन महतोलाई न्यायाधीश टेकनारायण कुँवरको इजलासले यस्तो आदेश गरेको हो । शशि र भट्ट भारीय नागरिक हुन् ।
तत्काल प्राप्त प्रमाणहरुलाई थुनछेक प्रायोजनार्थ प्रमाणको आधारमा पुर्पक्षका निमित्त थुनामा राख्ने आदेश भएको अदालतका सूचना अधिकारी कृष्ण बरालले बताए । उनले भने, ‘घट्नामा पक्राउ परेका नवलपरासीका सुवास गदाललाई ५० हजार धरौटी तारेखमा छाड्ने आदेश भएको छ ।’
पक्राउ परेका विकास दराई, गिर्जा महतो, बुद्धराम चौधरी र गृजराज कछडियालाई साधारण तारेखमा छाड्न आदेश भएको बरालले जनाए । गैंडाको मृत्युपछि निकुञ्ज प्रशासनले अनुुसन्धानका लागि भन्दै उनीहरुलाई पक्राउ गरेको थियो । गएको साउन २४ गते होटलको हात्तीसार नजिकै करिव २ सय मिटर जंगलतर्फ भङामा करेन्ट लागेर १२ बर्ष उमेरको पोथी गैंडाको मृत्यु भएको थियो ।
होटल कार्मचारीको लापरबाहीले करेन्ट छाड्दा गैंडा मरेको निकुञ्जको आरोप छ । पक्राउ परेकाहरुका तर्फबाट वरिष्ठ अधिवक्ता शम्भू थापा, सुशीलकुमार पन्त सहितले बहस गरेका थिए भने सरकारी तर्फबाट जिल्ला न्यायाधिवक्ता मणिराम न्यौपाने र सहायक उदयचन्द्र अधिकारीले बहस गरेका थिए ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon