Tribhuvan International Airport canteen and stores Extreme black

लुटनका लागि ठाउँ अनुसार छुट छ नेपालमा । देशको एकमात्र अन्तराष्ट्रिय विमानस्थल ठाउँ नै विशिष्ट परेकोले होला यहाँ हरेक वस्तुको भाउको सम्बन्ध डलरसंगै हुन्छ । विमानस्थलको क्यान्टिन र वाहिर रहेको पसलको मूल्यसूची हेर्दा विमानस्थलको व्रम्हलुटले जो कोहीलाई तर्साउँछ । त्यसमा नागरिक उड्डयन प्राधिकरणको समेत साथ पाएपछि  उनीहरुलाई लुटनका लागि छुट भएजस्तो देखिन्छ ।

आइतवार आपूर्ति व्यबस्था तथा उपभोकता हित संरक्षण विभागले त्रिभुवन विमानस्थलमा रहेका पसल र क्यान्टिनको अनुगमन गरेको थियो ।  अनुगमनका क्रममा उपभोग्य बस्तुको मूल्य वाहिर बजारमा भन्दा निक्कै चर्को लिएको पाइएको हो । बिमानस्थल भित्रका पसलहरुमा मिनिरल वाटर लगायत अन्य उपभोग्य बस्तुको मूल्य दोब्बर भन्दा बढी लिएको भेटिएको छ । विमानस्थलको गेटमै २० रुपैयाँ पर्ने पानीलाई विमानस्थलभित्र  ५० रुपैयाँमा यात्रुहरुले किन्नुपर्ने बाध्यता पाइयो भने चाउचाउ,कुरकुरे लगायतका खाद्य सामाग्रीहरुको मूल्य पनि दोब्बर भन्दा बढी पाइएको हो ।  नागरिक उडड्यन प्राधिकरणले ठेक्कामा दिएको विमानस्थलभित्रका यी पसलहरुमा बर्षौदेखि यसरी नै ब्यापक कालोबजारी हुँदा समेत सम्बन्धित निकायहरु मौन रहँदै आएको छ । विमानस्थल भित्रको क्यान्टिनमा त अझ बढी ब्रम्हलुट देखियो । एक कप कफीको २ सय ४५, एउटा एक लिटर मिनरल वाटरको सय रुपैयाँसम्म लिने गरेको पाइएपछि विभागले कागजात सहित सोमवार उपस्थित हुन पत्र काटेको छ  । अनुगमनमा गएका सरकारी अधिकारीहरुले विमानस्थलमा औपचारिक प्रतिक्रिया दिन मानेन् तर अनुगमनमा संग्लन भएका एक जना उपभोक्ताकर्मी रन्जन खनालले यो कालोबजारीको चरम रुपम भएको बताउँनुभयो । तर आफूहरुले सिलबन्दी गर्न चाहदा चाहदै पनि विमानस्थल भएकाले गर्न नसकिएको उहाँको भनाइ थियो ।
देशको एकमात्र अन्र्तराष्ट्रिय विमानस्थलमा भइरहेको व्रम्हलुटले देखाउँछ कि लुटका लागि कतिसम्म छुट छ यो देशमा । अन्र्तराष्ट्रिय क्षेत्रबाट आउने यात्रुहरु नै विमानस्थलमा लुटमा पर्ने भएकोले यस्तो धन्दा तत्काल बन्द हुनुपर्ने उपभोक्ताकर्मीहरु बताउँछन् । देशकै इज्जत र प्रतिष्ठासँग जोडिएको विमानस्थलमा सरकारी निकायकै प्रत्यक्ष निगरानीमा भइरहेको व्रम्हलुट रोक्न अब सरकार आफैं गभ्भीर हुनुपर्छ ।

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post