 |
भाद्र ११, २०७३- साउदी अरबमा तेश्रो मुलुकको बाँटो हुँदै पुर्याएका घरेलु कामदार (हाउसमेड)को समस्या फेरी बढ्न थालेको छ ।
साउदीस्थित नेपाली दुतावासका अनुसार न्युनीकरणतर्फ उन्मुख भइरहेको अवस्थामा बिगत झैं फेरि समस्या तथा आपतविपतमा परेर हाउसमेडहरु आउनेक्रम बढेको छ । ‘हाम्रो सेल्टर रित्तिसकेको थियो । कहिलेकाँही मात्रै आउने अवस्था बनेको थियो,' साउदीका लागि कार्यबाहक राजदुत आनन्दप्रसाद शर्माले भने,‘अहिले पहिलाकै जसरी बिचल्लीमा परेर भागेर आउने हाउसमेडको समस्या बढेको छ ।’
दुतावासको रेखदेखमा २४ जना पीडित महिलाहरु छन् । जसमा दुताबासकै सेल्टरमा ११ जना साउदी सरकारको घरेलु कामदार विभागको सेल्टरमा १३ जना छन् । ‘उनीहरु स्वदेश पठाउने प्रक्रियामा छन् । आवश्यक प्रक्रिया पुरा गरेपछि मात्रै फिर्न सक्छन्,' उनले भने ।
सरकारले खाडीमा हाउसमेड पठाउने समयमा समेत रियादस्थित नेपाली दुताबासले स्थानीय स्पोन्सरलाई अनुमति दिएको थिएन् । कुवेत, युएई र ओमनमा साउदी नागरीक आफैं पुगेर हाउसमेड लिएर जान्थे । त्यतिखेर दुतावासले साउदी र कुबेतका उच्च सरकारी तहमा साउदी नागरीकले आउदा ल्याएको हाउसमेड जाँदा पनि साथमै हुनुपर्ने भन्दै बारम्बार ध्यानकर्षण जनाएका थिए । दुतावासको ध्यानाकर्षण पछि साउदी र कुवेतका अध्यागमनले पनि कडाई गरेको थियो ।
पछिल्लो समयमा हाउसमेड अभाव भएपछि दुबै देशले कडाई गर्न छाडेका छन् । नेपाललाई बारम्बार हाउसमेड माथि लगाएका प्रतिबन्ध हटाउन र श्रम सम्झौता गर्न साउदीले अग्रसरता देखाउँदै आएपनि नेपाली पक्षबाट आबश्यक काम भएको छैन् । ‘सेल्टरमा जति महिलाहरु आएका छन् । उनीहरु सबै कुबेत र युएईमा काम गर्न आएका महिलाहरु छन्,' उनले भने,‘साउदीकै लागि आएकाहरु एकदमै कम छ ।’
हाउसमेड पाउन छाडेपछि स्पोन्सरहरुले काम गरिरहेकाहरु पनि स्वदेश पठाउन रोक लगाएको छ । चार बर्षसम्म घर नपठाएपछि भागेर दुताबासमा आइपुगेकी सिन्धुपाल्चोककी रुपरानी तामाङले दिएको बयानमा उल्लेख छ,‘बीचमै आउछ भनेर होला चार बर्षसम्म काम गर्दा पनि तलब दिएन ।’ दुताबासले रुपरानी र बाँकेकी पुजा सुनारलाई उद्धार गरी स्वदेश पठाएको छ ।
साउदीमा तेश्रो मुलुकबाट घरेलु कामदार ल्याउने प्रक्रिया झन बढेको उनले बताए । कञ्चनपुरकी आयशा कार्कीले भारत-चीन-श्रीलंका हुदै साउदी ल्याएको बताइन् । ‘युएईको होटलमा काम गर्न भनेर हिडेको थिए । दलालले एकपछि अर्को हिसाबले झुक्काएर साउदी ल्याइदिए,' तीन महिनादेखि सेल्टरमा बस्दै आएकी कार्कीले भनिन् । दुताबासले सेल्टरमा भएकी महिलाका लागि टिकट जुटाउने काम भइरहेको जनाएको छ । कार्कीलाई गैरआवासीय नेपाली संघ, साउदीले टिकट दिएको छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon