 |
श्रावण १७, २०७३- प्रा.डा.गोविन्द केसीले संसदको सुशासन समिति अख्तियार दुरुपयोग अनुसन्धान आयोगका प्रमुख लोकमानसिंह कार्कीको मतियार बनेको आरोप लगाएका छन् । समितिले आफूलाई बोलाएको उल्लेख गर्दै उनले कार्कीलाई बोलाउन सकेमात्र आफू पनि उपस्थिति हुने बताएका हुन् ।
‘मलाई सुशासन समितिले बुधबार आउन सक्नु हुन्छ भनेर बोलाएको छ । तर, समितिले सात दिन बितिसक्दा पनि लोकमानलाई उपस्थित गराउन सकेको छैन,’ केसीले कान्तिपुरसँग भने, ‘उपसमितिका मान्छेहरु लोकमानकै बचाउमा लागिरहेका छन् ।’ संसदको सुशासन समिति मुलुकको सबै अंगले काम गरको छ वा छैन यसको अनुगमन गर्नुका साथै निर्देशनसमेत दिन सक्ने निकाय हो ।
उनले आफ्नो स्वास्थ्यस्थिति समेत बताउँदै ‘लोकमानलाई बोलाउन सक्नु हुन्न, मलाई बोलाएर के अर्थ हुन्छ ?’ भनि प्रश्न गरेको बताए । समितिले आफूलाई आइदिन बारम्बार आग्रह गरेको भन्दै केसीले भने, ‘अरुलाई बोलाउने समितिले लोकमानलाई नबोलाएर मुद्दा सेलाउन खोजेको हो कि जस्तो देखिन्छ । विरामी परेर ७ दिन आउन नसकेका हुन् भने आठौं, नवौं, दशौं दिन बोलाउन सकिदैनथ्यो ?’ अख्तियार प्रमुख कार्कीले समितिले बोलाएपछि घाँटीमा संक्रमण भएको भन्दै एक साता आराम गर्नु परेको पत्र पठाएका थिए ।
काठमाडौं विश्वविद्यालयको प्रवेश परीक्षामा अख्तियारले हस्तक्षेप गरेको भन्दै प्रमुख आयुक्त कार्कीलाई महाअभियोग लगाउनु पर्ने सहितका मागमा डा. केसीले १५ दिन अनसन बसेका थिए । डा.केसीले नेपाल मेडिकल काउन्सिलका गडबडी, भाइ/भतिजाको किष्ट मेडिकल कलेजको सिट संख्या निर्धारण, विराट मेडिकल कलेजलाई विस्तारित कार्यक्रमको नाममा चोरबाटोबाट सम्वन्धन दिने लगायतका थुप्रै प्रकरणहरुमा अख्तियार प्रमुखको संलग्नता रहेको दावी गरेका छन् ।
उनले भने, ‘महाभियोग लगाएर हटाइएन भने सांसदहरुलाई भन्छु– म फेरि सत्याग्रह(अनसन) गर्छु ।’
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon