 |
अमेरिकी अन्तरिक्ष एजेन्सी नासाले बृहस्पति ग्रहमा पठाएको उपग्रह जुनो पहिलो पटक बृहस्पति ग्रहको नजिक पुगेको छ । जुनो उपग्रह शनिबार बृहस्पति ग्रह भन्दा ४२ सय किलोमिटर परबाट गएको नासाले जनाएको हो ।गएको जुलाईमा जुनो उपग्रहले बृहस्पति ग्रहलाई परिक्रमा गर्न सुरु गरेको थियो । शनिबार जुनो बृहस्पति ग्रहको सबैभन्दा नजिक पुगेको र यसभन्दा अघि कुनै पनि उपग्रह बृहस्पति ग्रहको यती नजिक नपुगेको वैज्ञानिकको भनाई छ । जुनो सबै उपकरण तथा क्यामरासहित बृहस्पति ग्रहको नजिक पुगेको हो । जुनोले खिचेका बृहस्पति ग्रहको केही नयाँ तस्बिर एक दुई दिनमा सर्वाजनिक गर्ने नासाले जनाएको छ । ति तस्बिर अहिलेसम्मकै उच्च क्षमताका रहेने नासाका वैज्ञानिकको भनाई छ । पहिलो पटक बृहस्पति ग्रहको बादलको तस्बिर जुनोले लिएको छ । जुनो नेपाली समय अनुसार शनिबार बेलुका ६ बजेर ३६ मिनेट जाँदा बृहस्पति ग्रहको सबैभन्दा नजिक पुगेको थियो । त्यसबेला जुनाले दुई लाख ८ हजार प्रतिघण्टाको गतिमा थियो ।
पाँच वर्ष अघि नासाले छोडेको जुनोले गएको जुलाई पाँचदेखि बृहस्पति ग्रहलाई परिक्रमा गर्न सुरु गरेको थियो । पृथ्वी भन्दा ११ गुणा ठूलो बृहस्पति ग्रहले सूर्यलाई परिक्रमा गर्न १२ वर्ष लगाउँछ । बृहस्पति ग्रह मुख्य गरी हाइड्रोजन र हिलियम ग्यासले भरिएको छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon