 |
श्रावण २४, २०७३- कांग्रेसको भ्रातृ संस्था नेविसंघको आज हुने भनिएको बन्द सत्र स्थगित भएको छ ।
विशेष कारणवश बन्दसत्र स्थगित गरिएको नेविसंघका प्रवक्ता युपि लामिछानेले जानकारी दिएका छन् । उनको अनुसार बन्दसत्र भोली २ बजे हुने छ ।
आफूअनुकूल नेतृत्व ल्याउनकै लागि पार्टीका शीर्षस्थ नेताहरूबीच नै आरोप–प्रत्यारोपमा उत्रिएसँगै नेविसंघको महाधिवेशनमा विवाद भइरहेको छ । महाधिवेशनमा भाग लिने प्रतिनिधिको विवादलाई लिएर पार्टी संस्थापन (सभापति शेरबहादुर देउवा) पक्ष, वरिष्ठ नेता रामचन्द्र पौडेल र पूर्वमहामन्त्री कृष्णप्रसाद सिटौला पक्षबीच आरोप–प्रत्यारोप भइरहेको छ ।
भृकुटीमण्डपमा आइतबार सुरु संघको एघारौं महाधिवेशन उद्घाटन समारोहमै शीर्षस्थ नेताहरूबीच आरोप–प्रत्यारोप चलेपछि सोमबार बिहानबाट सुरु हुने भनिएको बन्दसत्र सुरु हुनेमै आशंका उब्जिएको थियो ।
महाधिवेशनबाट ६४ जिल्लाको प्रतिनिधि छनोट भए पनि ११ जिल्लामा भागबन्डाका आधारमा मिलाउने प्रयास भएपनि प्रतिनिधि विवाद मिल्न सकेको छैन । सिटौला पक्षले भने महाधिवेशन भएका ६४ जिल्लामध्ये अधिकांशमै संस्थापन पक्ष र पौडेल पक्षबीच भागबन्डा आधारमा प्रतिनिधि बाँडिएको भन्दै त्यसलाई सच्याउन माग गरेको छ ।
सिटौला पक्षीय विद्यार्थी समूह यही विषयलाई लिएर आमरण अनशनमा बस्दै आएका छन् । महाधिवेशन उद्घाटन कार्यक्रम सुचारु हुँदासमेत नेतृत्वले आमरण अनशनमा बसेका विद्यार्थीको आवाजलाई नसुनेको आरोप सिटौला पक्षको छ । साता अघिदेखि आमरण अनशनमा रहेका विद्यार्थीको अवस्था गम्भीर भएपछि शनिबार बिहानदेखि उनीहरूलाई अस्पतालमा भर्ना गरिएको छ ।
पौडेल पक्ष भने ६४ जिल्लामा विधिसम्मत रूपमा अधिवेशन भएको र त्यसलाई ‘उधिनेर’ प्रतिनिधि परिवर्तन गर्न खोजिएको भन्दै आक्रोशित बनेको हो । ११ जिल्लामा अधिवेशन नगरेर आफूअनुकूल प्रतिनिधि छनोट गर्न थालिएको आशंकासमेत यो पक्षले गरेको छ ।
पार्टीका शीर्षस्थ नेताहरूबीच नै आरोप–प्रत्यारोप चलेपछि निर्वाचनबाटै नेतृत्व छनोट हुनेमा शंका उब्जेको छ । नेविसंघमा अहिलेसम्म बनेका १७ अध्यक्षमध्ये १० वटा मात्रै निर्वाचनबाट चुनिएका छन् । सात वटा नेतृत्व माउ पार्टीको हस्तक्षेपमा चयन भएका हुन् ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon