 |
भाद्र १, २०७३- कम्तीमा २६ अर्ब नेपाली रुपैयाँ मूल्य बराबरको टर्किस एयरलाइन्सको डिसेवल एयरक्राफ्ट (आयोग्य विमान) लाई नेपालमै बिक्रि गरिने भएको छ ।
मर्मत गरेर उडाउन नमिल्ने उक्त विमानमा भएका काम लाग्ने उपकरण धमाधम निकाल्ने कार्य भइरहेको छ । यसकालागि टर्किसकै भातृ कम्पनी टर्किस टेक्निकका १२ जना एयरोनोटीकल इन्जिनियर गत बुधबारदेखि काठमाडौंमा छन् ।
‘१५ दिनको टार्गेट दिइएको छ,’ स्रोतले भन्यो, ‘उतैबाट दिइएको यो लक्ष्यको समयसीमाभित्र रहेर इन्जिनियरहरुले उपकरण झिक्दै छन् । कामलाग्ने उपकरण झिकिसकेपछी आल्मुनियमले बनेको विमानको बडी (बाहिरी भाग) लिलाम गरिने छ ।
‘काम लाग्ने उपकरण झिकिसकेपछि नेपाली बजारमा चलेको आल्मुनियमको प्रति किलोग्राम दरमा बडी लिलाम गरिने स्रोतले बतायो । काठमाडौंको ह्यात होटलमा बसिरहेका टर्किसका प्राविधिकहरुले विमानबाट झिकेका उपकरण टर्किसकै विमानबाट इस्तानबुल पठाइरहेका छन् । जहाजको कार्गो कम्पार्टमेन्टमा नअटाउने उपकरण लिन छुट्टै कार्गो विमान काठमाडौं ल्याइने भनिएको छ ।
मूल्यवान पार्टपूर्जा विमानबाट निकाल्दै इन्जिनियरहरुले त्यही नजिकै रहेको यती एयरलाइन्सको ह्यांगर (विमान मर्मत गर्ने घर) मा थन्काउने गरेका छन् । यसकालागि काठमाडौंमा रहेको टर्किस एयरलाइन्सको कार्यालयले यतीको ह्यांगर भाडामा लिएको हो । विमानका दुइटा इन्जिन जहाज दुर्घटना भए लगत्तै झिकेर इस्तानबुल पठाइ सकिएको छ ।
‘जहाजका सबै सिट, फलाइट इन्टरटेनमेन्ट टुल्स, क्याबिन, ढोका, उपकरण इस्तानबुल पठाउने छौं, खोक्रो बडी मात्रै लिलाम गर्ने छौं,’ एक कर्मचारीले भने । एयरबस कम्पनीको यो विमान करिब ४ सय यात्रु क्षमता छ । यो विमान खरिद गर्न थुप्रै नेपाली व्यवसायीहरुले इच्छा देखाएका छन् ।
‘रेष्टुराँ, क्याफे चलाउँछु जहाज बिक्रि गर्नुपर्यो भनेर धेरै फोन आएका छन्, तर इन्जिनियरहरुले काम सकेपछी मात्रै हामी लिलामको प्रक्रिया थाल्ने छौं,’ ती कर्मचारीले भने ।
नौ महिना मात्रै उडेको यो विमान काठमाडौंमा मर्मत गर्न जहाजको मूल्यको हाराहारी खर्च र कम्तीमा एक वर्ष सयम लाग्ने भएपछि टर्किसले विमान बिमा गर्ने बेलायती कम्पनीबाट बिमा दाबी रकम लिई पुन बिमा कम्पनीबाट यो विमान खरिद गरेको हो । टर्किस मातहतकै प्राविधिक कम्पनीले स्वामित्व लिएपछि टर्किसले काम लाग्ने उपकरण उतै लिने निर्णय गर्दै जहाजको खोक्रो बडी नेपालमै लिलाम गर्ने निणर्य गरेको स्रोतले बतायो ।
हाल यसले नागरिक उडड्यन प्राधिकरणलाई प्रति ६ घन्टाका दरले पार्किङ्ग शुल्क तिर्दै आएको छ । यस्ले पार्किङ्ग शुल्कको २५ प्रतिशत मात्रै रकम तिर्नुपर्छ । यस्ले अहिले दैनिक ५ सय ५० डलरका दरले नागरिक उड्डयन प्राधिकरणलाई पार्किङ्ग शुल्क तिरीरहेको छ । यसले दुई महिनाअघि १ लाख ३५ हजार डलर पार्किङ्ग शुल्कमात्रै प्राधिकरणलाई तिरेको थियो ।
इस्तानबुलबाट काठमाडौं आएको यो विमान अवतरणका क्रममा ०७१ फागुन २० गते धावनमार्गबाट चौरमा धस्सिएर दुर्घटनामा परेको थियो ।
टर्की नेपालमा सबैभन्दा ठूलो आकारको जहाज उडाउने मध्येको एयरलाइन्स हो । यसले इस्तानबुल (काठमाडौं–इस्तानबुल) उडानमा एयरबसको ए–३३० सिरिजको जहाज उडाउँछ । इस्तानबुलमा मुख्यालय रहेको टर्किसले विश्वका १ सय १६ मुलुकमा उडान भर्छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon