 |
पाँचथर जिल्ला अस्पताल फिदिममा शुक्रवार बिहान पेट बाहिर आन्द्रा भएको आन्द्रा भएको शिशु जन्मेको छ । छिमेकी ताप्लेजुङ जिल्लाको आंखोप १ निवासी २२ बर्षीय सविता राईले यस्तो बच्चा जन्माएकी हुन । सुत्केरी व्यथा लागेपछि पाँचथर अस्पताल ल्याइएकी उनको नर्मल डेलिभरीबाटै यस्तो बच्चा जन्मिएको हो । शिशुको स्वास्थ अवस्था स्वस्थ रहेपनि उनको उपचार भने कान्ती बाल अस्पताल काठमाण्डौ पु¥याएमात्रै सम्भव हुने जिल्ला अस्पताल पाँचथरका डाक्टर पवन साहले वताए । आन्द्रा सबै नाइटो भन्दा तल्लो भागमा रहेका छन । नवजात शिशुका पिता पुरनदेवले यसअघि आमाको भिडियो एक्स–रे नगरेको र ताप्लेजुङकै साव्लाखु स्थित स्वास्थ सस्थामा दुई पटकसम्म चाँज गराएको बताए । प्रसुतीका लागि अस्पताल ल्याएकी पत्नीको स्वास्थ सुधार भएपनि बच्चाको अवस्था यस्तो देख्दा पुरन चिन्तित रहेका छन । उपचारका लागि के कति खर्च लाग्ला भन्ने भन्दा पनि बच्चालाई बचाउन सकिन्छ सकिन्न भनेर चिन्ता ब्यक्त गर्दै उनी रोइरहेका थिए । गर्भअवस्थामा गहुंगो भारी बोक्दा,कुपोषण हुँदा अथवा गर्भमा बच्चा बृद्वी हुने क्रममा आमाले भारी काम गर्दा यस्तो समस्या हुनसक्ने डाक्टर साहको भनाई छ । समयमै कान्ती बाल अस्पताल पु¥याउन सके बच्चा बाँच्नसक्ने पनि उनले बताए ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon